| e-texts navigator |
| Wylie |
96b1 འདས།། ནམ་མཁའ་དེ་ལ་དབུས་མེད་བཞིན།། ཆོས་ཉིད་དཔྱོད་པའི་མཐའ་ལས་གྲོལ།། རྟོག་དཔྱོད་བྲལ་བ་ནུས་པའི་མཐུ།། སེམས་ཀློང་དེ་ཡི་ནུས་པ་ཡིན།། དེ་ལས་མི་འདའ་རོལ་པ་དང་།། དེ་ལས་མི
96b2 འགྱུར་སྤྱོད་པ་དང་།། རང་བཞིན་གཅིག་ལ་གནས་པ་དང་།། ངོ་བོ་གཅིག་ལ་གནས་པ་དང་།། མཚན་ཉིད་ཐ་དང་ཤར་བ་དང་།། ཡོན་ཏན་ཕྱོགས་མེད་འབྱུང་བ་དང་།། སྤྲུལ་པ་ཅིར་ཡང་འགྱེད་པ་དང་།། མཁྱེན་པའི
96b3 གཟིགས་ཚུལ་ཅིར་སྣང་ཡང་།། སྐྱེ་འགག་མེད་པ་དེ་ཡི་མཐུ།། ཀློང་ཆེན་ཆགས་མེད་རང་གི་རྩལ།། སྐྱེ་མེད་ཆོས་སྐུའི་ཀློང་ཆེན་དེས།། འཁོར་འདས་ཀུན་ལ་རྒྱས་བཏབ་པས།། རང་བཞིན་མེད་པར་སྤྱོད་པ་ད
96b4 ང།། ཆགས་པ་མེད་པར་གནས་པ་དང་།། ཆོས་ཉིད་དོན་ལས་མི་འདའི་ཕྱིར།། དགོངས་པ་མཉམ་པར་གནས་པ་ཡིན།། མི་འགག་ལོངས་སྐུའི་ཀློང་ཆེན་དེས།། མཐའ་གཉིས་ཡུལ་དུ་མི་འཛིན་པས།། ཐེག་ཆེན་སྒྲིབ
96b5 པ་གཅོད་པ་དང་།། ཕྱི་ནང་མེད་པར་གསལ་བ་དང་།། ཟག་མེད་དགེ་བ་འཕེལ་བ་དང་།། སྐྱེ་བ་རྣམ་བཞིའི་ལམ་སྟོན་དང་།། ལམ་སྒོ་གང་གིས་འགེག་པ་དང་།། འབྱུང་འཇུག་གནས་སུ་སྐྱེལ་བའི་ཕྱིར།། མཚན་ཉིད
96b6 སྒྲིབ་པ་མེད་པ་ཡིན།། མི་གནས་སྦྲུལ་སྐུ་ངེས་མེད་དེས།། འགྲོ་དྲུག་གྱེན་དུ་འདྲེན་པ་དང་།། ཟག་བཅས་དགེ་བ་སྟོན་པ་དང་།། འགྲོ་དོན་ཕྲིན་ལས་མཛད་པ་དང་།། གདུལ་བྱའི་བསམ་པ་མཁྱེན་པ་དང་།། ཐབས
iiif viewer powered by OpenSeadragon
