| e-texts navigator |
| Wylie |
96a1 བརྟེན་ཡང་མི་དགོས་ཏེ།། གནས་ལ་བཙལ་བའི་ཡུལ་དང་བྲལ།། ཐབས་དང་ཐབས་ལས་བྱུང་བ་ཡི།། རྒྱུ་མཚན་ཟད་ཀའི་འབྲས་བུ་དེ།། ཐབས་ལས་བྱུང་ཕྱིར་རང་བྱུང་མིན།། རང་བྱུང་ཐབས་ལ་མི
96a2 ལྟོས་ཏེ།། ཤེས་རབ་རྩལ་ལའང་དེ་མི་ལྟོས།། རང་བཞིན་བཅོས་བསྒྱུར་མེད་པ་ལ།། མ་བཅོས་པ་ཡི་འབྲས་བུ་གནས་པ་ཡིན།། རིག་པས་དཔྱད་དུ་དེ་ལ་མེད།། ཤེས་རིག་ཡུལ་དུ་མ་གྱུར་པས།། མ་རིག་མ་ཤེས་མེད
96a3 པའི་ཕྱིར།། མ་རིག་པ་དང་ཆོས་ཀྱི་སྐུ།། མིང་ལ་ཐ་དད་དོན་དུ་གཅིག། ལས་ལས་བྱུང་བས་སེམས་ཅན་གྱིས།། མ་རིག་པ་རུ་བཏགས་པ་ཡིན།། ཡེ་ཤེས་དག་ལས་གྲུབ་པ་ཡི།། རྒྱལ་བ་རྣམས་ཀྱིས་ཆོས་སྐུར
96a4 བཏགས།། ལས་དང་ཐུགས་རྗེ་དབྱེ་བ་མེད།། མ་རིག་ཆོས་སྐུ་རང་བཞིན་གཅིག། སངས་རྒྱས་སེམས་ཅན་དོན་དུ་གཅིག། རྒྱུར་གྱུར་པ་དང་རྐྱེན་དུ་གྱུར།། འབྲས་བུར་གྱུར་དང་གཉེན་པོའི་མཐུ།། ལས་ཀྱིས
96a5 བརྟགས་དང་རྟོགས་པས་བརྟགས།། མིང་གིས་བརྟགས་དང་ནུས་པས་བརྟགས།། སེམས་ཅན་ལས་ཀྱིས་བརྟགས་པ་དང་།། ལམ་པ་རྟོག་པས་བརྟགས་པ་དང་།། སངས་རྒྱས་མིང་གིས་བརྟགས་པ་ཡིན།། གང་དུ
96a6 བརྟགས་ཀྱང་རྟོག་པ་ལ།། གང་དུ་དཔྱད་ཀྱང་འཛིན་པའི་བློ།། རྟོག་དཔྱོད་བྲལ་བའི་ཆོས་ཉིད་དེ།། ནམ་མཁའི་ཀློང་ལྟར་མཉམ་པར་གནས།། ནམ་མཁའ་དེ་ལ་མཐའ་མེད་བཞིན།། ཆོས་ཉིད་རྟོག་པའི་ཡུལ་ལས
iiif viewer powered by OpenSeadragon
