| e-texts navigator |
| Wylie |
95b1 མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། མཐའ་འགྲོལ་གསང་བའི་ལེའུ་སྟེ་ཉི་ཤུ་རྩ་ལྔ་པའོ།། །། དེ་ནས་ཡང་བཅོམ་ལྡན་འདས་སྟོན་པའི་རྒྱལ་པོས་ཡང་དག་པའི་དོན
95b2 བཀའ་སྩལ་པ། གང་ལས་གྱུར་དང་མ་གྱུར་པའི།། ཆོས་སུ་བཏགས་པ་ཇི་སྙེད་པ།། གང་ཕྱིར་གང་གིས་བཏགས་པ་ཡིན།། འདོགས་པའི་མཁན་པོ་སུ་ཞིག་ཡིན།། གདགས་པའི་གཞི་ནི་གང་ལ་ཡོད།། ཡུལ་དང
95b3 གནས་ནི་སུ་ལ་བརྟེན།། གང་ལས་གྱུར་ན་རང་ལས་གྱུར།། མ་གྱུར་པ་ཡང་རང་ཡིན་ཏེ།། རང་ངོ་ཤེས་པར་བྱ་བའི་ཕྱིར།། རང་གིས་རང་ལ་མིང་དུ་བཏགས།། འདོགས་པའི་མཁན་པོ་རང་ཉིད་ཀྱིས།། གདགས་གཞི།
95b4 མེད་པའི་དོན་ལ་གདགས།། རང་གིས་ཆགས་པར་གྱུར་པ་ཡིས།། ཤུགས་ཀྱིས་དེ་ལ་བལྟས་གྱུར་ནས།། མཚན་མ་སྣ་ཚོགས་ཆེར་རྒྱས་པས།། བུ་མོ་མིང་མེད་མིང་དུ་སོང་།། ཡུལ་མེད་ཡུལ་ཞེས་མིང་དུ
95b5 བཏགས།། གནས་མེད་གནས་ཞེས་མིད་དུ་བཏགས།། ཡུལ་དང་གནས་སུ་གཅིག་པ་ལ།། ལས་དང་བག་ཆགས་ཐ་དད་བྱུང་།། རང་རང་རྒྱུ་དང་འབྲས་བུར་བཏགས།། རྒྱུ་ལ་ཞེན་པ་བརྟས་པ་ལས།། འབྲས
95b6 བུ་མཚན་མའི་ཡུལ་དུ་བྱེད།། རྒྱུ་འབྲས་མེད་པའི་དོན་ལས་ལོག། རྒྱུ་འབྲས་གཅིག་པའི་ཆོས་ཉིད་དེ།། རྒྱུ་ཉིད་འབྲས་བུར་རང་སྣང་བས།། རྒྱུ་ལ་ཞེན་དུ་མེད་པ་སྟེ།། མ་ཞེན་འབྲས་བུ་དེར་རྫོགས་པས།། ཡུལ་ལ
iiif viewer powered by OpenSeadragon
