| e-texts navigator |
| Wylie |
95a1 ལྟུང་བ་མེད་པས་ན།། གང་གིས་གང་ལ་ཕན་གདགས་སམ།། གནོད་པ་སུ་ལ་སུ་ཡིས་སྐྱེལ།། རྒྱུ་དང་འབྲས་བུ་གང་གིས་བྱེད།། སྔ་ཕྱི་མེད་པས་རྒྱུ་འབྲས་མེད།། རྒྱུ་འབྲས་མེད་པས་འཁོར་འདས
95a2 མེད།། འཁོར་འདས་མེད་པས་བྱང་ཆུབ་མེད།། དེ་ལ་འབྲས་བུ་གང་འདོད་པ།། ཡང་དག་དོན་ལ་རྒྱབ་ཀྱིས་ཕྱོགས།། སྔ་ཕྱི་ཐོག་མཐར་མ་སྐྱེས་པས།། གནས་ཀྱང་སྐྱེ་བ་མེད་པར་གནས།། ཤར་ཡང་སྐྱེ་བ་མེད་པར
95a3 ཤར།། ཡིན་ཡང་སྐྱེ་བ་མེད་པར་ཡིན།། གྲོལ་ཀྱང་སྐྱེ་བ་མེད་པར་གྲོལ།། དེ་ལ་སྐྱེ་བར་སྒྲོ་འདོགས་པ།། རང་ངོ་མ་ཤེས་སྙིང་རེ་རྗེ།། གལ་ཏེ་སྐྱེ་བ་ཡོད་གྱུར་ན།། ཁམས་གསུམ་མིང་དུ་བཏགས་པ་ཡི།། སེམས་ཅན
95a4 མ་ལུས་ཐམས་ཅད་ཀྱི།། ཤ་རུས་བསགས་ཀྱང་མཁར་མི་ཤོངས།། སྐྱེ་མེད་དབྱིངས་སུ་གྲོལ་བས་ན།། འགྲོ་བའི་ལམ་ཆེན་མཁའ་ཡི་དབྱིངས།། ནམ་མཁའི་ངང་ལ་ཀུན་སྤྱོད་པས།། འགག་པ་མེད་པར་ཤར་བ
95a5 ཡིན།། རང་བྱུང་རང་ཞི་སྐྱེ་འགག་མེད།། ཚིག་ཆོད་ཡིན་པས་འཇུག་ལྡོག་མེད།། འོ་ན་འདི་ལྟར་སྣང་བ་འདི།། རྒྱུ་རྐྱེན་ཅི་ལས་བྱུང་ཞེ་ན།། རང་བྱུང་ཡིན་པས་རྒྱུ་རྐྱེན་བྲལ།། ནམ་མཁའ་དངོས་པོར་མི་འགྱུར
95a6 བཞིན།། སྐྱེ་ཤི་མེད་པའི་རིག་པ་ལ།། མཚན་མས་བཤིག་པའི་གོ་སྐབས་མེད།། འདི་ལྟར་སྣང་བའི་ཆོས་རྣམས་ཀུན།། ཅི་ཡང་མ་ཡིན་ངོ་བོ་ལས།། ཅིར་ཡང་རྣམ་པར་རང་ཤར་བས།། རྟག་དང་ཆད་པའི་སྒྲོ་སྐུར
iiif viewer powered by OpenSeadragon
