| e-texts navigator |
| Wylie |
94b1 བཏགས་པ་ཙམ།། ཆོས་ཉིད་ཡེ་སྲིད་སྐྱེ་མི་སྲིད།། རིག་པ་མ་འགགས་ཅིར་སྲིད་ཀྱང་།། སངས་རྒྱས་ཞིང་སྟེ་སྐྱེ་བ་མེད།། སྐྱེ་མེད་སྣ་ཚོགས་ཀུན་གྱིས་བདག། ཡེ་ནས་ཡིན་པས་ཀུན་མ་སྐྱེས།། མ་སྐྱེས་པ་ཡི་ཆོས་ཉིད
94b2 ལ།། རྒྱུ་རྐྱེན་གཉིས་སུ་གང་བལྟ་བ།། འདུས་མ་བྱས་ལ་རྒྱབ་ཀྱིས་ཕྱོགས།། ཡང་དག་དོན་ལ་སྒྲོ་སྐུར་བཏབ།། རང་གིས་རང་བསླུས་སྙིང་རེ་རྗེ།། འདི་ནི་སངས་རྒྱས་ཞིང་ཁམས་ཏེ།། བདེ་བ་ཅན་ནི་ལོགས་ན
94b3 མེད།། ཅི་སྟེ་སྡུག་བསྔལ་མ་སྤངས་ཀྱང་།། ཅིར་ཡང་མི་སྙམ་གྲུབ་པ་མེད།། བདེ་བ་མི་འདོད་དང་མ་ཆགས།། ཆགས་སྡང་གཏན་ནས་མ་གྲུབ་པས།། གཉེན་པོ་མེད་དེ་དབྱིངས་སུ་དག། དབྱིངས་སུ་མ་དག་གང་ཡང
94b4 མེད།། ཀློང་དུ་མ་གྲོལ་ཅི་ཡང་མེད།། བརྟགས་པས་དབྱིངས་ཀྱང་དབྱིངས་སུ་སྟོར།། འཁོར་བའི་ཆོས་ཀྱང་དབྱིངས་སུ་སྟོར།། མྱ་ངན་འདས་པ་ཀློང་དུ་ཐིམ།། འཁོར་བའི་ཆོས་ཀྱང་དབྱིངས་སུ་ཤར།། མྱ་ངན་འདས
94b5 པ་ཀློང་ནས་བྱུང་།། ཀློང་ལས་དབྱིངས་ཤར་ངོ་མཚར་ཆེ།། ཐོག་མར་གང་ནས་མ་འོངས་པས།། གཞི་གནས་ཡིན་ཏེ་འཕོ་འགྱུར་མེད།། ད་ལྟར་གང་དུ་མི་གནས་པས།། ངེས་མེད་ཡིན་ཏེ་བྱ་བཙལ་བྲལ།། ཐ་མར་གང
94b6 དུ་མི་འགྲོ་བས།། ཐིག་ལེ་གཅིག་ལ་དུས་གསུམ་མེད།། དུས་གསུམ་མེད་པས་སྐྱེ་འགག་མེད།། སྐྱེ་འགག་མེད་པའི་རིག་པ་དེ།། ཅིར་ཡང་འཆར་བས་གད་ལ་ཁྱབ་ཡིན།། ག་ལ་ཁྱབ་ཡིན་པས་རྒྱ་མ་ཆད།། ཕྱོགས་སུ
iiif viewer powered by OpenSeadragon
