| e-texts navigator |
| Wylie |
94a1 ཅིར་ཡང་འཆར།། སྣ་ཚོགས་ནོར་བུ་ཇི་བཞིན་ནོ།། ཀུན་ལ་ཇི་བཞིན་དེ་ཉིད་ལས།། ཀུན་ཀྱང་སངས་རྒྱས་ཡིན་པར་འདྲ།། འགྲོ་འོང་མེད་པར་མཁའ་དང་མཚུངས།། འཇུག་ལྡོག་མེད་པར་དབྱིངས་སུ
94a2 གྲོལ།། རྒྱུ་རྐྱེན་ཟད་པས་ཉོན་མོངས་དང་།། འཆིང་གྲོལ་མེད་པས་དགག་སྒྲུབ་བྲལ།། ཐོག་མཐའ་མེད་པས་རྒྱུན་མི་འཆད།། དེ་ལ་དུས་གསུམ་གང་སེམས་པ།། མཉམ་པའི་དོན་ལ་གོལ་བ་ཡིན།། དུས་གསུམ་མེད
94a3 པའི་ཆོས་ཉིད་ལ།། གཞི་རྩ་མེད་ཅེས་བཏགས་པ་ཡིན།། གཏད་མེད་ཕྱོགས་བྲལ་གཞི་ཡི་ཆོས།། འཁྲུལ་པ་ཁོ་ནར་རྣམ་བརྟགས་ཀྱང་།། དབྱིངས་ལ་ཐེར་ཟུག་གང་ཡང་མེད།། བརྟགས་གཞི་མེད་ཅིང་ངེས་པ
94a4 མེད།། ཡིན་མིན་མེད་པར་ཀུན་ཤར་བས།། བཟང་ངན་མེད་པར་ཀུན་གྲོལ་ཡིན།། མཐོ་དམན་མེད་པར་ཀུན་གསལ་བས།། བྱེ་བྲག་མེད་པར་གྲོལ་བ་ཡིན།། ཡང་དག་དོན་ལ་དམིགས་བཙལ་བས།། རྒྱུ་རྐྱེན་འདི
94a5 ཡིན་མེད་པས་ན།། ཆགས་སྡང་གནས་མེད་བྱང་ཆུབ་ལམ།། སྐྱེ་མེད་འགག་མེད་ལྟ་བའི་རྒྱན།། ཡེ་ཤེས་བདུད་རྩི་འཁོར་བ་འཇོམས།། ཐོག་བབས་ཅར་ཕོག་ཤུགས་འབྱུང་དང་།། ཀློང་རྡོལ་རང་ཤར་ཤར་ལུགས
94a6 ཀྱིས།། འགྲོ་དྲུག་གྲོང་ཁྱེར་གཏན་ནས་བརྩམ།། སྐྱེ་ཤི་མེད་པར་རུ་མ་བརླག། ཁམས་གསུམ་མ་ལུས་ཡོངས་སུ་བསྒྲལ།། དེ་ལ་གཉིས་ཀྱིས་བསྡུས་པའི་ཆོས།། ཅི་རུ་སྣང་ཡང་ཕན་གནོད་མེད།། སྲིད་གསུམ་མིང་དུ
iiif viewer powered by OpenSeadragon
