| e-texts navigator |
| Wylie |
93b1 རྒྱལ་བ་མ་ལུས་ཀྱིས།། ཕྲིན་ལས་ཅི་མཛད་འདི་ཡིས་མཛད།། ཁམས་གསུམ་སེམས་ཅན་ཐམས་ཅད་ཀྱིས།། བྱ་བ་ཅི་བྱེད་འདི་ཡིས་བྱས།། ཉིད་ལ་བྱས་པ་གང་ཡང་མེད།། མ་བྱས་དོན་ཀུན་འགྲུབ་པའི
93b2 ཕྱིར།། འདོད་འབྱུང་ནོར་བུ་རིན་པོ་ཆེ།། ཆོ་འཕྲུལ་ཆེན་པོ་འབྱུང་བའི་གཞི།། ཆོས་ཀྱི་འཁོར་ལོ་བསྐོར་བའི་ཚུལ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དོན་ལ་གཡོས་པ་མེད་པའི་ལེའུ
93b3 སྟེ་ཉི་ཤུ་རྩ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པ་མ་ནོར་པའི་དོན་འདི་གསུངས་སོ།། ཇི་སྲིད་ཆོས་རྣམས་ཐམས་ཅད་ཀུན།། རྩ་བ་རང་གི་བྱང་ཆུབ་སེམས།། ཡན་ལག་སྣང
93b4 གྲགས་ཀུན་ཏུ་ཤར།། སེམས་ཉིད་ཡེ་ནས་མ་སྐྱེས་པས།། འཁོར་འདས་སྐྱེ་མེད་དུས་གཅིག་རྫོགས།། ཉོན་མོངས་བདེ་སྡུག་ལ་སྩོགས་ཀུན།། སྤང་དུ་མེད་དེ་བདག་ཉིད་རང་།། བྱང་ཆུབ་སེམས་ལས་གཞན་མེད
93b5 པས།། སྐྱེ་མེད་རང་གི་རྒྱན་དུ་རྫོགས།། དགེ་བའི་བསམ་གཏན་དུས་ཚིགས་དང་།། སྤྱོད་ཡུལ་ངོ་ལ་སྣང་བའི་ཆོས།། དངོས་པོ་ཀུན་གྱི་རང་བཞིན་ཡང་།། བྱང་ཆུབ་སེམས་ཉིད་དེ་ཡི་རྒྱན།། ཐམས་ཅད་རྒྱན་ལྡན
93b6 ཡོངས་རྫོགས་པས།། རྫོགས་པ་ཆེན་པོ་དབྱེར་མེད་ཆོས།། ལ་ལ་ཡིན་ལ་ལ་ལ་མིན།། ཀུན་ཀྱང་འདྲ་བར་ཡོངས་རྫོགས་པས།། འོག་མས་བགྲངས་པའི་བྱེ་བྲག་མེད།། སྐྱེ་བ་མེད་པའི་ཆོས་ཉིད་ལ།། རྒྱུ་རྐྱེན་མེད་དེ
iiif viewer powered by OpenSeadragon
