| e-texts navigator |
| Wylie |
93a1 ཆོས།། དངོས་གཞི་མེད་པའི་ཆོས་ཉིད་ལ།། ཅི་ལ་རྟོག་ཅིང་ཅི་ལ་སྤྱོད།། བཙལ་བར་བྱ་བའི་ཡུལ་མེད་པས།། དཔེས་མཚོན་ཚིག་ཏུ་བརྗོད་དུ་མེད།། དེ་ཉིད་དང་ནི་དེ་མ་ཡིན།། ཇི་བཞིན་པ་དང་དེ
93a2 ལས་གཞན།། མ་ནོར་པ་དང་འཁྲུལ་པ་དང་།། མ་བཅོས་པ་དང་བཅོས་པ་དང་།། གཞན་མ་ཡིན་དང་རང་ཡིན་དང་།། ཆོས་ཅན་དང་ནི་ཆོས་ཉིད་དང་།། དབྱིངས་དང་དངོས་པོ་ལ་སོགས་པ།། བཟང་ངན་བྱེ་བྲག
93a3 འབྱེད་པ་ནི།། འདི་ཀུན་རང་བཞིན་འཁྲུལ་པའི་བློ།། བྱང་ཆུབ་སེམས་ལ་དབྱེ་བ་མེད།། སྟོང་ཉིད་སྙིང་པོའི་ཀློང་ཆེན་འདི།། སྐད་ཅིག་རྟོགས་པ་ཙམ་གྱིས་ཀྱང་།། བྱང་ཆུབ་ཀློང་དུ་དེར་སོན་པས།། མཚན་མའི་ཆོས
93a4 ལ་རག་མི་ལུས།། སྟོང་པའི་ཆོས་ལ་བློ་མི་གནས།། ཅིར་ཡང་མེད་ལས་གར་ཡང་སྣང་།། མཐོང་བ་མེད་པར་ཀུན་ཏུ་གསལ།། བརྟགས་ན་མ་རྙེད་ཅིར་ཡང་འཆར།། དངོས་པོ་མེད་ལས་སྙིང་པོ་འབྱུང་།། རང་བཞིན
93a5 མེད་པར་ཀུན་ལ་ཁྱབ།། དངོས་གཞི་མེད་པར་ཐམས་ཅད་འབྱུང་།། བསྒྲུབ་ཏུ་མེད་པར་ཅི་ཡང་འགྲུབ། གཏང་བཞག་མེད་པར་རང་ལ་གནས།། འདོད་པ་མེད་པར་དོན་ཀུན་འགྲུབ།། འདོད་དགུར་འབྱུང་བས་བཙལ
93a6 མི་དགོས།། ཡེ་ཤེས་ཉི་མ་རང་ལ་ཤར།། གསང་སྔགས་དོན་ཀུན་བསྐྱེད་པའི་གཞི།། གདུལ་བྱ་མ་ལུས་འདུལ་བའི་ཞིང་།། ཐམས་ཅད་བདག་ཉིད་བྱང་ཆུབ་ཀློང་།། མི་མཛད་མཛད་པ་མཐར་ཕྱིན་པས།། དུས་གསུམ
iiif viewer powered by OpenSeadragon
