| e-texts navigator |
| Wylie |
92b1 གསལ།། ཐམས་ཅད་ཀུན་ལ་གསལ་བའི་ཕྱིར།། ཤར་ནུབ་མེད་པར་གདོད་ནས་གནས།། ཐམས་ཅད་ཀུན་ལ་ཁྱབ་པའི་ཕྱིར།། ལྷུན་གྱིས་གྲུབ་པར་ཡེ་ནས་གནས།། གང་ལ་རྟོག་པ་མེད་པའི་ཕྱིར།། མཚན་མའི་ཆོས
92b2 ལས་ཡེ་ནས་འདས།། ཐམས་ཅད་སྙིང་པོ་བྱང་ཆུབ་ལ།། སྟོང་ཉིད་ཆོས་སྐུ་གཞན་ན་མེད།། སྤྱོད་ཡུལ་ཀུན་ལ་སྙོམས་པའི་ཕྱིར།། ཞིང་ཁམས་རྣམ་པར་དག་པ་ཉིད།། ཡེ་ནས་དེ་བཞིན་གནས་པ་ལ།། ཅི་ཕྱིར་སུ་ལ
92b3 གང་ཞིག་འདྲི།། དཔེ་ཡིས་མཚོན་པར་བྱ་བ་དང་།། ཚིག་ཏུ་བརྗོད་པ་མེད་མོད་ཀྱང་།། རེ་ཞིག་ཉེ་བར་བསྟན་པའི་ཕྱིར།། ཀུན་ལ་ཁྱབ་ཅིང་མཐའ་དབུས་མེད།། ནམ་མཁའ་ལྟ་བུའི་བྱང་ཆུབ་སེམས།། དངོས་པོ་གཉིས
92b4 དང་བྲལ་བའི་ཕྱིར།། སྒྲོ་སྐུར་འདས་པའི་བྱང་ཆུབ་སེམས།། འདོད་དགུར་འབྱུང་ཞིང་ཐབས་མི་སྤོང་།། རིན་ཆེན་ལྟ་བུའི་བྱང་ཆུབ་སེམས།། ཕྱི་ནང་མེད་པར་ཡོངས་སུ་གསལ།། སྒྲོན་མ་ལྟ་བུའི་བྱང་ཆུབ
92b5 སེམས།། གཡོ་འགུལ་མེད་པར་ཀུན་ཏུ་འབྱུང་།། རྒྱ་མཚོ་ལྟ་བུའི་བྱང་ཆུབ་སེམས།། བཅོས་བསླད་བྲལ་བས་བསྒྱུར་དུ་མེད།། གསེར་ཞུན་ལྟ་བུའི་བྱང་ཆུབ་སེམས།། མཚོན་པའི་བླ་དགས་བསམ་ཡས་ཀྱང་།། བསྟན
92b6 པའི་དངོས་པོ་གཅིག་ལས་མེད།། མིང་གི་རྣམ་གྲངས་ཅིར་བཏགས་ཀྱང་།། དོན་གྱི་ངོ་བོ་གཅིག་ལས་མེད།། དཔེ་རེ་དོན་རེ་མཚོན་པའི་བརྡའ།། མིང་དང་བླ་དྭགས་བོད་པའི་ཚིག། སྒྲ་དང་ཐ་སྙད་མཚོན་པའི
iiif viewer powered by OpenSeadragon
