| e-texts navigator |
| Wylie |
92a1 པོས་མི་གཡོ་བས།། འཇིག་འདྲལ་མེད་པ་ཆོས་ཀྱི་སྐུ།། མ་རིག་མེད་པ་ཡེ་ཤེས་ཀློང་།། ཐམས་ཅད་གྲོལ་བ་ནམ་མཁའི་ཀློང་།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། མ
92a2 འདྲེས་ཡོངས་སུ་རྫོགས་པའི་ལེའུ་སྟེ་ཉི་ཤུ་རྩ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་འདི་སྐད་ཅེས་བཀའ་སྩལ་ཏོ།། གཡོས་པ་མེད་ལ་མི་རྟོག་ན།། བདག་ཉིད་རྟོག་པ་བློར
92a3 མི་སྣང་།། མི་རྟོག་པ་ལ་འཇུག་འདོད་ན།། རྣམ་པར་རྟོག་པའི་ས་བོན་འདེབས།། གལ་ཏེ་མི་རྟོག་དོན་མཐོང་ཡང་།། མི་རྟོག་མ་ཡིན་སྙམ་བྱེད་བློ།། འགྱུ་བ་ཕྲ་མོ་ཏིང་འཛིན་གེགས།། རྩ་བ་བྱང་ཆུབ་སེམས་འདི
92a4 ལ།། ཡོད་པར་བརྟགས་པས་དངོས་པོའི་མཐའ།། མེད་པར་བརྟགས་པས་སྟོང་པའི་བློ།། སྟོང་པའི་བློ་ལ་འཛིན་པ་ཡོད།། དངོས་པོའི་མཐའ་ལ་བརྟག་ཏུ་མེད།། དངོས་པོ་ཐམས་ཅད་མི་རྟག་པས།། དེ་བས་མཚན་མ
92a5 ཉེས་དམིགས་ཆུང་།། སྐལ་དང་ལྡན་པའི་སྐྱེས་བུ་དེ།། མི་རྟོག་དོན་ལ་འཇུག་མི་བྱེད།། སྟོང་པའི་དོན་ལ་བློ་མི་གནས།། ཉམས་མྱོང་བཞག་ས་མི་འཚོལ་བས།། ཞེན་ཅིང་ཆགས་པའི་ཡུལ་མི་གནས།། དྲན་པའི་ཟག
92a6 པ་མི་འདོགས་པས།། འཛིན་པའི་རྟོག་ཕུར་དེ་ལ་མེད།། ཐམས་ཅད་སངས་རྒྱས་ཡིན་པའི་ཕྱིར།། སྙིང་རྗེའི་ཡུལ་དང་གནས་མི་དམིགས།། མི་རྟོག་ཀློང་ཡངས་ཆོས་སྐུ་དེ།། བལྟས་པས་མི་མཐོང་བཞག་པས
iiif viewer powered by OpenSeadragon
