| e-texts navigator |
| Wylie |
91a1 གནས་ཕྱིར་ཡེ་ནས་གྲོལ།། ཀུན་གྲོལ་ཆེན་པོ་བལྟ་བའི་ཀློང་།། རང་བྱུང་ཡེ་ཤེས་བཙལ་མེད་པས།། ཆེད་དུ་འབད་པ་མེད་པ་རུ།། ཚེགས་མེད་དོན་ཆེན་ཡེ་ནས་འགྲུབ།། སྐྱོན་ཡོན་གང་ཡང་མ
91a2 སྤངས་པས།། བླང་དོར་གཉིས་སུ་མི་བལྟ་བས།། རང་སར་གྲོལ་བས་གང་དགར་བཞག། བཞག་དང་མི་བཞག་མེད་པ་རུ།། ཆོས་ཉིད་ཀློང་དུ་གྲོལ་བ་ལ།། དབྱེ་བསལ་སྤང་བླང་ངང་གིས་མེད།། བཙལ་བ་མེད་ཅིང
91a3 བསྒྲུབ་ཏུ་མེད།། ངེས་པར་གྲོལ་ལོ་གཟའ་གཏད་མེད།། ལྷུན་གྱིས་གྲུབ་པོ་ཕྱོགས་རིས་མེད།། དེ་ལྟར་གོ་བའི་སྐལ་ལྡན་ལ།། བསྒོམ་དང་མ་བསྒོམས་མེད་པ་དང་།། མཚན་མ་རང་སར་གྲོལ་བའི་ཕྱིར།། གཉིས་སུ
91a4 མེད་པའི་བྱང་ཆུབ་སེམས།། ཆོས་ཉིད་བྱང་ཆུབ་སེམས་འདི་ནི།། བྱང་ཆུབ་ཉིད་ལས་མེད་པའི་ཕྱིར།། དེ་ལ་གྲོལ་དང་མ་གྲོལ་མེད།། ཇི་ལྟར་བྱས་ཀྱང་མི་འདའ་བས།། སྐྱེ་འགག་མེད་པའི་ཀློང་ཆེན་ཡིན།། གཞན་དུ
91a5 འཆར་བ་མེད་པའི་ཕྱིར། ཉིད་ལ་ཉིད་ཀྱི་ཕྱོགས་རིས་མེད།། རྒྱ་ཆད་ཕྱོགས་ལྷུང་མེད་པའི་ཕྱིར།། ཐམས་ཅད་གཉིས་མེད་ཀློང་དུ་གནས།། ལྟ་བ་ཕྱོགས་མེད་རང་གྲོལ་ཀློང་།། གསེར་གླིང་ལྟ་བུར་དབྱེ་བསལ
91a6 མེད།། བསྒོམ་པ་ཕྱོགས་མེད་ཡེ་ཀློང་དང་།། བྱེ་རླུང་ལྟ་བུར་དབྱིངས་སུ་ཐིམ།། སྤྱོད་པ་ཕྱོགས་མེད་རང་ཤར་ཀློང་།། ཆུ་ཀླུང་ལྟ་བུར་འཇམ་ཞིང་དལ།། འབྲས་བུ་ཕྱོགས་མེད་ཡེ་གྲུབ་ཀློང་།། ཡུལ་ཀླུང་ལྟ་བུར་མ
iiif viewer powered by OpenSeadragon
