| e-texts navigator |
| Wylie |
90b1 དང་།། རྣམ་སྨིན་སོག་དང་མི་སོག་དང་།། སྐྱེ་བ་ཡོད་དང་མེད་པ་དང་།། འགག་པ་ཡོད་དང་མེད་པ་དང་།། དེ་དག་ཐམས་ཅད་དུས་གཅིག་གསལ།། དེ་ཡང་དབྱིངས་ལ་རིག་པའི་སྟོབས།། རང་གི་ཆོ་འཕྲུལ་ཉིད་དུ
90b2 སྣང་།། གང་གིས་མི་མཐོང་མི་རྟོག་པའི།། སྐལ་མེད་སྐྱེ་བོས་དེ་མི་ཤེས།། ཐམས་ཅད་དེ་ཡི་རང་བཞིན་ལ།། རང་སྣང་ལོག་པས་དེ་མི་ཤེས།། ཀུན་ལ་ཡོད་དེ་ཉེ་ཡང་རིང་།། ཞེས་གསུངས་སོ།། ཀློང་ཆེན་རབ
90b3 འབྱམས་རྒྱལ་པོའི་རྒྱུད་ལས། རྟོག་པ་མངོན་གྱུར་གྱི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས་ཉིད་ཀྱི་དགོངས་པའི་དོན་མ་ནོར་བར་གསུངས་པ། ལྷུན་གྱིས་གྲུབ་པའི་ཆོས་ཉིད
90b4 ལ།། འབྲས་བུ་མི་ཟད་གཏེར་དང་ལྡན།། འཁོར་འདས་ཐམས་ཅད་དེ་ལས་བྱུང་།། སྣང་གྲགས་ཐམས་ཅད་དེ་ལ་སྤྱོད།། བཙལ་བ་མེད་པས་བྱ་བྲལ་དང་།། ནམ་མཁའི་ཀློང་ལྟར་ཡོངས་ལ་ཁྱབ།། གསེར་གྱི་རྫས
90b5 ལྟར་གཅིག་ལས་སྣང་།། ཐ་དད་ཤར་ཡང་གཅིག་ཏུ་རྫོགས།། རྩ་བ་མི་འགྱུར་འབྲས་བུ་གཅིག། དེ་ལས་བྱུང་བའི་ཆོས་རྣམས་ཀུན།། ཉིད་ཀྱི་ངོ་བོར་མ་གྱུར་པའི།། གཞན་དུ་སྣང་བ་ཅི་ཡང་མེད།། མ་སྤྲོས་ཀུན་ལ
90b6 ཁྱབ་པའི་ཕྱིར།། ཕྱི་ནང་མེད་པར་གདལ་བ་ཆེ།། དུས་གསུམ་བཞུགས་པའི་སངས་རྒྱས་དང་། ཁམས་གསུམ་འཁོར་བའི་སེམས་ཅན་ཀུན།། རྡོ་རྗེ་སྙིང་པོའི་ངོ་བོ་རུ།། ཡེ་སངས་རྒྱས་པའི་ཆོས་ཉིད་ལ།། ཀུན་ཀྱང
iiif viewer powered by OpenSeadragon
