| e-texts navigator |
| Wylie |
8b1 ཁྱོད།། ཐབས་དང་ཤེས་རབ་དབང་བསྐུར་བསྟན་པར་བྱ།། ཐབས་དང་ཤེས་རབ་ལྡན་པས་བུམ་པའོ།། ཐབས་ཀྱི་བུམ་པ་བླ་མ་ཡིན།། ཏིང་འཛིན་བྱང་ཆུབ་སེམས་ཀྱི་ཆུ།། བླ་མའི་ཁ་ཡིས་པདྨ་བླངས།། སློབ་མའི
8b2 ཚངས་པའི་བུ་གར་བསྐུར།། ག་བུར་ཆུ་ཡི་བདུད་རྩིས་ནི།། ལུས་ཀྱི་སྒྲིབ་པ་འདག་པར་བྱེད།། ཤེས་རབ་བུམ་པ་མི་མོ་ཡི།། ལུས་ཀྱི་པདྨ་རཀྟ་ཡིན།། གསང་བ་པདྨའི་སྦྱོར་བ་ཡིས།། གསང་བའི་བདུད་རྩི་ཕབ་བྱས
8b3 ལ།། ཐབས་ཀྱིས་རྡོ་རྗེའི་ངག་དག་བྱེད།། བསྐུར་གནས་པདྨའི་ལྟེ་བ་ལ།། བསྐུར་དུས་ལྷན་ཅིག་སྐྱེས་པའོ།། ཡོན་ཏན་རྣམ་རྟོག་བདེ་བར་འབར།། འབྲས་བུ་ཕྱག་རྒྱ་ཆེན་པོ་ཐོབ།། ཉམས་ལེན་དགའ་བ་བཞི་དང
8b4 འབྲེལ།། ཐིག་ལེ་རྡོ་རྗེའི་མགྲིན་པར་སླེབ།། དེ་ནི་དགའ་བདེ་ཞེས་སུ་བརྗོད།། དེ་ནས་རྡོ་རྗེའི་རྩེ་མོར་འབར།། དེ་ནི་མཆོག་དགའ་ཞེས་བྱའོ།། དེ་ནས་མཉམ་པར་སྦྱོར་བ་ཡིས།། ཕྱེད་ཤོར་ཕྱེད་མ་ཤོར་བ་ནི།། ལྷན
8b5 ཅིག་སྐྱེས་པའི་དགའ་བ་ཡིན།། ཐིག་ལེས་རང་ས་ཟིན་ཙ་ན།། དེ་ནི་དགའ་བྲལ་ཞེས་སུ་བརྗོད།། དང་པོ་བདེ་བའི་ཡེ་ཤེས་དེ།། རྒྱུ་ཡི་ཡེ་ཤེས་ཞེས་སུ་བརྗོད།། དེ་ནས་མཆོག་ཏུ་དགའ་བ་ནི།། ལམ་གྱི་ཡེ་ཤེས་ཞེས
8b6 སུ་བརྗོད།། དེ་ནས་ལྷན་ཅིག་སྐྱེས་དགའ་ནི།། ལྷན་ཅིག་སྐྱེས་པའི་ཡེ་ཤེས་སོ།། དགའ་བྲལ་འབྲས་བུའི་ཡེ་ཤེས་ཡིན།། དགའ་བ་ལས་ཀྱི་ཕྱག་རྒྱ་ཡིན།། དགའ་མཆོག་ཆོས་ཀྱི་ཕྱག་རྒྱ་ཡིན།། ལྷན་ཅིག་སྐྱེས་པ་དམ
iiif viewer powered by OpenSeadragon
