| e-texts navigator |
| Wylie |
8a1 ལོངས་སྤྱོད་གྲོགས་སུ་ཤེས་པ་དང་།། རྫུན་དང་ཕྲ་མ་ཚིག་རྩུབ་ངག་འཁྱལ་གྱི།། ངག་གི་སྒྲིབ་པ་དག་པར་བྱེད།། གསང་བའི་བུམ་པ་རང་ལུས་ཀྱི།། བུམ་རྫས་ལྷག་པ་བྱང་ཆུབ་སེམས།། བསྐུར་ཐབས
8a2 ཡུམ་གྱི་བྷ་ག་ལ།། བསྐུར་བའི་རྟེན་ནི་རྩ་གསུམ་སྟེ།། ཡོན་ཏན་གཟུང་འཛིན་བདེ་བར་འབར།། དུས་ནི་སྙོམས་པར་ཞུགས་པ་ཡིན།། འབྲས་བུ་དགའ་བདེ་ལྷན་ཅིག་སྐྱེས་པའོ།། ཡང་གསང་བུམ་པའི་དབང་བསྐུར
8a3 བ།། རང་རིག་ཡེ་ཤེས་བུམ་པ་ཡིན།། བུམ་རྫས་འདས་པ་རྣམ་པ་ལྔ།། བསྐུར་ཐབས་ཆོས་ལས་འདས་པ་ཡིན།། རྟེན་ནི་བློ་ལྡན་གང་ཟག་ཡིན།། ཡོན་ཏན་རང་གྲོལ་བྱིན་རླབས་འཆར།། དུས་ནི་གདམས་པ་སྐད
8a4 ཅིག་ཡིན།། འབྲས་བུ་རིག་པ་རང་གྲོལ་ཡིན།། དེ་ལ་དཀྱིལ་འཁོར་གང་དང་འབྲེལ་ཅེ་ན།། ཕྱི་ཡི་བུམ་པའི་དཀྱིལ་འཁོར་ནི།། མེ་ཏོག་ཟང་ཀ་རྡུལ་ཚོན་ནོ།། བསྐུར་ཚུལ་གང་དང་འབྲེལ་ཅེ་ན།། སློབ་དཔོན་བླ་མར
8a5 གུས་བྱ་ཡི།། ཆུ་ནི་སྤྱི་བོའི་གཙུག་ཏུ་བསྐུར།། རྣ་བ་གཡས་སུ་དབུ་རྒྱན་ནོ།། ལྷག་པར་རྡོ་རྗེ་རྣ་གཡོན་དྲིལ།། མིང་ནི་དཔྲལ་བར་བསྐུར་བ་ཡིན།། མེ་ཏོག་ཕྲེང་བ་མགོ་ལ་བཅིངས།། ཤེས་རབ་རིག་པའི་དབང་ལྔ
8a6 ཡིན།། ལུས་ཀྱི་སྒྲིབ་པ་འདག་པར་བྱེད།། ཅེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། བུམ་པའི་དབང་གི་ལེའུ་སྟེ་ལྔ་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རྡོ་རྗེ་ཆོས་ཀྱི་བློ་གྲོས
iiif viewer powered by OpenSeadragon
