| e-texts navigator |
| Wylie |
89a1 ལས་མེད།། དུས་གསུམ་རྒྱུན་དུ་མི་འབྲལ་བས།། སྣང་མེད་གཅིག་ལ་ཅིར་ཡང་སྣང་།། མཐོང་མེད་གཅིག་ལ་ཅིར་ཡང་མཐོང་།། ཐོས་མེད་གཅིག་ལ་ཅིར་ཡང་ཟོས།། གང་མཐོང་ཅིར་ཟོས་ཅིར་སྣང
89a2 ཡང་།། དབྱིངས་ལས་གཞན་དུ་མི་འཆར་ན།། རྟོགས་ལྡན་སྐྱེས་ཆེན་རང་གི་མཐུ།། དུས་རྣམས་ཀུན་ཏུ་བདེ་ལ་གནས།། ཐམས་ཅད་དེ་ཡི་ཀློང་དུ་གྲོལ།། དེ་ལ་མཚན་མ་མི་དམིགས་པས།། རང་རྒྱུད་སྦྱང་ཞེས་དེ་ལ
89a3 བྱ།། རང་བཞིན་སྦྱངས་པར་མ་ཤེས་པས།། བསྐལ་པ་བྱེ་བ་བརྒྱ་སྟོང་དུ།། རང་སེམས་སྦྱངས་པས་མི་འབྱོངས་ཏེ།། རང་བཞིན་དྲི་མ་བཀྲུས་མི་འདག། ནམ་མཁའ་བཀྲུས་ཀྱང་མི་འདག་བཞིན།། རང་བྱུང་དྲི་མ་བཀྲུ
89a4 མི་དགོས།། དེ་ལ་དངོས་པོར་མི་རྟོག་པས།། དགག་སྒྲུབ་མེད་ཅེས་དེ་ལ་བྱ།། རང་བཞིན་ཁེགས་པར་མ་ཤེས་ན།། བསྐལ་པ་བྱེ་བ་དུ་མ་རུ།། བཀག་ཀྱང་ཁེགས་པར་མི་འགྱུར་ཏེ།། རང་སེམས་ཡིན་པར་དགག་ཏུ
89a5 མེད།། རང་བྱུང་མཚན་མ་དགག་མི་དགོས།། དེ་ལ་སྔོན་དུ་མི་བལྟ་བས།། བླང་དོར་མེད་ཅེས་དེ་ཁོ་ན།། རང་བཞིན་དབྱེར་མེད་མ་ཤེས་ན།། བསྐལ་པ་བྱེ་བ་ཕྲག་བརྒྱ་རུ།། བླང་དང་དོར་བ་བྱར་མི་ལངས།། རང
89a6 སེམས་ཡིན་པས་ཐུག་པ་མེད།། རང་བྱུང་ཡེ་ཤེས་མཐའ་མེད་ལ།། མི་མཐུན་གཉེན་པོ་བསྟེན་མི་དགོས།། དེས་ན་སྐད་ཅིག་ཡུད་ཙམ་ལ།། དབྱིངས་ཀྱི་མཚན་ཉིད་དེ་རྟོགས་པས།། སངས་རྒྱས་ས་ལ་གདོན་མི
iiif viewer powered by OpenSeadragon
