| e-texts navigator |
| Wylie |
88b1 དཀའ།། འདི་ལྟར་ཡངས་སོ་རྒྱ་ཆེ་བས།། གང་ཞིག་དེ་ལྟར་གནས་པ་དེ།། རྒྱུན་ཆད་མེད་ལ་གནས་པ་ཡིན།། སྐྱེ་འགག་མེད་ལ་གནས་པ་ཡིན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད
88b2 ལས། སྤྱོད་ཡུལ་བསྟན་པའི་ལེའུ་སྟེ་ཉི་ཤུ་རྩ་གཅིག་པའོ།། །། དེ་ནས་ཡང་བཅོམ་ལྡན་འདས་ཀུན་རིག་གིས་གཞན་ཡང་གསུངས་པ།། དུས་གསུམ་སྐྱེ་འགག་མེད་པ་ལ།། ལྟ་བའི་ཡུལ་ཡང་སྐྱེ་འགག
88b3 མེད།། རྒྱུན་ཆད་མེད་པ་ལྟ་བའི་མཆོག། སྒོམ་པའི་གནས་ཀྱང་སྐྱེ་འགག་མེད།། རྒྱུན་ཆད་མེད་པ་བསྒོམ་པའི་མཆོག། སྤྱོད་པའི་སྒོ་ཡང་སྐྱེ་འགག་མེད།། རྒྱུན་ཆད་མེད་པ་སྤྱོད་པའི་མཆོག། གྲུབ་པའི་འབྲས་བུ་སྐྱེ
88b4 འགག་མེད།། རྒྱུན་ཆད་མེད་པ་འབྲས་བུའི་མཆོག། ཁྱབ་པའི་སྙིང་རྗེ་རྒྱུན་ཆད་མེད།། རྩོལ་བའི་ཕྲིན་ལས་རྒྱུན་ཆད་མེད།། བསྒྲུབས་པའི་ཡོན་ཏན་རྒྱུན་ཆད་མེད།། བསྔོ་བའི་བྱིན་བརླབས་རྒྱུན་ཆད་མེད།། བསྲུང
88b5 བའི་དམ་ཚིག་རྒྱུད་ཆད་མེད།། སྐྱེ་འགག་མེད་དང་བཅས་པ་ཡིས།། གསང་བའི་དབྱིངས་ཀྱི་མཐོང་བརྟོལ་བས།། རྒྱུན་གྱི་རང་བཞིན་འདི་རྟོགས་ཏེ།། རྒྱུན་མི་ཆད་པར་གནས་པས་དབྱིངས།། རྒྱུན་མི་ཆད་པར་གྲོལ
88b6 བས་ཀློང་།། འཁོར་བའི་ཆོས་ཀྱང་རྒྱུན་མི་འཆད།། མྱ་ངན་འདས་པ་རྒྱུན་མི་འཆད།། ལམ་ལ་རྩོལ་བ་དེ་དང་མཚུངས།། གསང་བའི་ཆོས་ཀྱང་དེ་ལས་མེད།། ངོ་བོ་དམིགས་སུ་མེད་པའི་ཕྱིར།། བྲི་བའི་ཆོས་ཀྱང་དེ
iiif viewer powered by OpenSeadragon
