| e-texts navigator |
| Wylie |
88a1 ཡང་།། དབྱིངས་ལ་བྱེ་བྲག་མེད་པར་གནས།། དེ་བཞིན་ཉིད་དུ་གཅིག་པའི་ཕྱིར།། གཉིས་མེད་དབྱིངས་ཀྱི་ལོངས་སྤྱོད་ཡིན།། དེ་བཞིན་སངས་རྒྱས་སེམས་ཅན་དང་།། ལས་དང་ཐུགས་རྗེས་བསྐྱེད་པ
88a2 ཡང་།། དབྱིངས་ལ་འབྱུང་འཇུག་མེད་པའི་ཕྱིར།། སེམས་ཉིད་ཀློང་ཆེན་དེ་ཡི་སྟོབས།། ཀློང་ཆེན་མཐུ་ལས་མ་གཏོགས་པའི།། གདགས་པའི་ཐ་སྙད་ཡོད་མེད་དང་།། མཐོང་བའི་རྣམ་པ་ཡོད་མེད་དང་།། བལྟས་པའི
88a3 ཡུལ་ལ་གསལ་མི་གསལ།། འཁོར་བའི་བཙོན་རར་འཇུག་མི་འཇུག། སངས་རྒྱས་ས་ལ་འགྲོ་མི་འགྲོ།། དུས་གསུམ་སངས་རྒྱས་རྣམས་ཀྱིས་ཀྱང་།། སྔོན་ཆད་གཞན་དུ་བསྟན་པ་མེད།། དེས་ན་ངེས་པར་འདི་ཡི
88a4 མཐུ།། བྱང་ཆུབ་ས་ལ་བཀོད་མ་བཀོད།། སྙིང་པོའི་དོན་ལ་གནས་མི་གནས།། ཁོ་ན་ཉིད་དུ་རྟོགས་མི་རྟོག། ཡང་དག་དོན་ལ་རྟོགས་མི་རྟོག། ཡང་དག་དོན་ལ་འཇུག་མི་འཇུག། ངེས་པའི་ལུང་བསྟན་ཐོས
88a5 མ་ཐོས།། གཞན་ན་ཡོད་པ་མ་ཡིན་ཏེ།། ཐམས་ཅད་ཐམས་ཅད་དབྱིངས་ཀྱི་རྒྱན།། དབྱིངས་ལ་གཞི་རྩ་མེད་པའི་ཕྱིར།། ཐམས་ཅད་སྐྱེ་བ་མེད་པ་ཡང་།། དབྱིངས་ལ་འགག་པ་མེད་པའི་ཕྱིར།། དེ་དག་ཐམས་ཅད
88a6 འགག་པ་མེད།། སྐྱེ་འགག་མེད་པའི་རིག་པ་དེ།། དེ་བཞིན་ཉིད་དེ་མ་བཅོས་པ།། མ་ནོར་ལམ་མོ་མ་བསླད་པ།། ཆོས་ཀྱི་དབྱིངས་སོ་བསམ་མི་ཁྱབ།། ཡང་དག་མཐའ་འོ་སྟོང་པ་ཉིད།། འདི་ལྟར་ཟབ་པོ་བརྟག་པར
iiif viewer powered by OpenSeadragon
