| e-texts navigator |
| Wylie |
87b1 ན་དབྱིངས་ལས་ཀུན་འབྱུང་བས།། བྱ་བྲལ་ཀློང་ཆེན་ཀུན་གྱི་གཞི།། ཡོངས་སུ་འདུས་པས་སྲོག་གི་མཆོག། དེ་རྟོགས་གང་ལ་གསལ་བྱེད་པ།། ཁྱད་པར་འདིས་ནི་གོ་ཕྱེ་བས།། འཁོར་འདས་ཐམས་ཅད་དུས་གཅིག།
87b2 གསལ།། རྒྱལ་བ་རྣམས་ཀྱི་ཐུགས་བརྟོལ་བས།། གསལ་བྱེད་ཉི་མ་རང་ལ་ཤར།། སྲིད་པ་གསུམ་གྱི་སེམས་ཅན་ཀྱང་།། ཡེ་ཤེས་ཉི་མའི་ཀློང་ན་ཤར།། ཕན་དང་གནོད་པའི་བྱེ་བྲག་ཀྱང་།། སྟོབས་ཆེན་རང་བྱུང་ཡེ
87b3 ཤེས་མཐུ།། བདེ་བ་ཅན་གྱི་ཞིང་ཁམས་ཀྱང་།། རང་བྱུང་ཡེ་ཤེས་རང་གི་མཐུ།། དེ་དག་རང་རང་ཡོན་ཏན་ཀྱང་།། སྟོབས་ཆེན་རང་བྱུང་ཡེ་ཤེས་རྩལ།། ས་ལ་གནས་པའི་རིག་འཛིན་དང་།། ལམ་ལ་གནས་པའི་ས་པ
87b4 ཡང་།། རང་བྱུང་ཡེ་ཤེས་མཁྱེན་པའི་སྟོབས།། དེ་དག་ཉན་བཤད་སྨྲ་བ་དང་།། ཀུན་ནས་ཀུན་ཏུ་ལོངས་སྤྱོད་པ།། ཆོས་ཀྱི་དབྱིངས་ཀྱི་བྱེད་སྤྱོད་ཡིན།། ཀུན་གྱི་རང་བཞིན་བྱར་མེད་འདི།། ཆོས་ཀྱང་བྱ་བ་མེད་པའི
87b5 ཆོས།། སྐྱེ་མེད་ཚུལ་དུ་ཡེ་སངས་རྒྱས།། སྤྱོད་ཀྱང་བྱ་བ་མེད་པར་སྤྱོད།། ཟབ་མོ་དོན་གྱི་ལོངས་སྤྱོད་ཡིན།། ཀུན་ཀྱང་དབྱིངས་སུ་ལོངས་སྤྱོད་དེ།། ཐམས་ཅད་དབྱིངས་ཀྱི་ངང་ལས་བྱུང་།། དབྱིངས་ལས་ཤར་ཞིང
87b6 དབྱིངས་ལ་གནས།། དབྱིངས་ལ་གནས་དམིགས་མེད་པའི་ཕྱིར།། འཁོར་འདས་ཀུན་གནས་དམིགས་པ་མེད།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་ལ་སོགས་པ།། དུག་ལྔ་དང་ནི་རིགས་ལྔ
iiif viewer powered by OpenSeadragon
