| e-texts navigator |
| Wylie |
87a1 གསད་མི་དགོས།། མ་གསལ་གསལ་བར་བྱ་མི་དགོས། མ་མཐོང་བ་ཡི་དོན་མཐོང་བས།། ཀུན་གསལ་འགྱུར་མེད་ཆོས་ཀྱི་དབྱིངས།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས།།
87a2 རིག་པ་སྤྱི་བླུགས་སུ་བསྟན་པའི་ལེའུ་སྟེ་ཉི་ཤུ་པའོ།། །། དེ་ནས་ཡང་གསུངས་པ།། རིག་པ་རང་སྒོ་བདེ་བ་ལ།། མཚན་དང་དཔེ་བྱད་མེད་མོད་ཀྱང་།། རང་གི་སྣང་བ་ལོངས་སྐུར་ཤར།། བྱང་ཆུབ་སེམས
87a3 དཔའི་ངོ་ལ་སྣང་།། ཐུགས་རྗེས་ཀུན་ཏུ་ཁྱབ་པ་ལ།། ཡུལ་དང་ཡུལ་ཅན་མེད་མོད་ཀྱང་།། རང་གི་སྣང་བ་སྦྲུལ་སྐུར་ཤར།། ཁམས་གསུམ་སེམས་ཅན་ངོ་ལ་སྣང་།། ཆོས་སྐུ་མཚན་ཉིད་མེད་པ་ལ།། རིགས་དང
87a4 བརྒྱུད་དུ་མེད་མོད་ཀྱང་།། འཁོར་འདས་ཡོངས་ལ་ཁྱབ་པར་གནས།། ལོངས་སྐུ་མཚན་དང་དཔེ་བྱད་ལྡན།། སྦྲུལ་སྐུ་ཆོས་ཤེས་གནས་པ་ཡིན།། གང་ལ་བྱར་མེད་ཆོས་སྐུ་འདི།། མཚན་དང་ལྡན་དང་མི་ལྡན
87a5 མེད།། ཆོས་ལ་ཤེས་དང་མི་ཤེས་མེད།། ཀུན་ལ་ཉེ་རིང་མེད་པས་ན།། ནམ་མཁའི་མཐའ་ལྟར་མཉམ་པར་གནས།། ཀུན་གྱིས་བརྟགས་ཀྱང་འདི་མ་མཐོང་།། སངས་རྒྱས་རྣམས་ཀྱིས་མ་མཐོང་བས།། ལྷ་དང་བཅས
87a6 པའི་འཇིག་རྟེན་པ།། ཀུན་གྱིས་བརྟགས་ཀྱང་དེ་མ་མཐོང་།། ཞིང་ཁམས་དག་པ་མཐའ་ཡས་ཀྱང་།། དམིགས་མེད་དེ་ཡི་མཐུ་ལས་བྱུང་།། རྒྱལ་བ་དཔག་ཏུ་མེད་པ་ཡང་།། དམིགས་མེད་རང་གི་སྤྲུལ་པ་ཡིན།། དེས
iiif viewer powered by OpenSeadragon
