| e-texts navigator |
| Wylie |
86b1 པའི་ཐེག་པ་འདིས།། ཐེ་ཚོམ་ཐམས་ཅད་གཅོད་བྱེད་ཅིང་།། བགྲོད་པར་དཀའ་བའི་ལམ་བཙལ་ནས།། མཐོང་བར་དཀའ་བའི་དོན་མཐོང་འགྱུར།། དེ་དོན་མངོན་དུ་གྱུར་པ་ལ།། རྒྱུ་ལ་ལྟོས་དང་མ་ལྟོས
86b2 དང་།། འབྲས་བུ་ཐོབ་དང་མ་ཐོབ་དང་།། ཡུལ་ལ་རྟོག་དང་མ་རྟོག་དང་།། སྣོད་ལ་དག་དང་མ་དག་དང་།། དབང་ལ་བསྐུར་དང་མ་བསྐུར་དང་།། ཤེས་བྱ་འབྱོངས་དང་མ་འབྱངས་དང་།། གང་ལ་རྟེན་མེད་ཀློང་ཆེན
86b3 འདི།། ཤིན་ཏུ་རྣལ་འབྱོར་རྫོགས་ཆེན་ལུང་།། ལ་ལ་བྱིན་རླབས་གཙོ་བོར་བཤད།། འདི་ཡི་བྱིན་གྱིས་ཀུན་ལ་བརླབས།། ཐུན་མོང་ཡོན་ཏན་བསམ་མི་ཁྱབ།། ཁྱད་པར་མཆོག་གི་གོ་འཕང་ཆེ།། ལ་ལ་གཞན
86b4 ནས་ཐོབ་པར་འདོད།། འདི་ལ་ཤོར་ཐོབ་མེད་པའི་ཕྱིར།། འདི་ཡིས་འབྲས་བུ་ཀུན་ལ་སྨིན།། ལས་འབྲས་ཁྱད་དུ་མི་གསོད་པས།། ཐུན་མོང་ཡོན་ཏན་བསམ་མི་ཁྱབ།། ཁྱད་པར་གོ་འཕང་མཆོག་གི་གནས།། ལ་ལ
86b5 སློབ་དང་མི་སློབ་པ།། འདི་ལ་འདི་ཞེས་བསླབ་ཏུ་མེད།། མ་བསླབས་ཀུན་གྱིས་ཡེ་ནས་ཤེས།། ཉན་བཤད་ཐོས་པ་མི་དགོས་པས།། མཚན་མ་རང་གྲོལ་ཁྱད་དུ་འཕགས།། ལ་ལ་དམིགས་དང་མི་དམིགས་པ།། འདི
86b6 ལ་དམིགས་ཤིང་གོམས་པ་མེད།། མ་དམིགས་ཀུན་ཏུ་གསལ་བའི་ཕྱིར།། སྒྲིབ་གཡོགས་མེད་པ་ཁྱད་པར་འཕགས།། ཁྱད་པར་འདི་ལ་རྩལ་ཐོན་པས།། ཐུགས་རྗེ་གཞན་ནས་འབྱུང་མི་དགོས།། ལས་འབྲས་ཁྱད་དུ
iiif viewer powered by OpenSeadragon
