| e-texts navigator |
| Wylie |
86a1 ཏུ་མེད།། དགོངས་པ་ཉམས་མྱོང་ཀློང་ཆེན་དེ།། མཉམ་པའི་ངང་ལས་མ་གཡོས་པས།། བཞག་དང་མ་བཞག་མཐའ་ལས་འདས།། ངེས་པ་རྙེད་པ་དོན་གྱི་མཆོག། རབ་ཏུ་རྙེད་དཀའ་རྟོགས་པའི
86a2 གདེང་།། སྐལ་མེད་རྣམས་ཀྱིས་རྙེད་མི་འགྱུར།། སྐལ་ལྡན་སྐྱེས་བུའི་སྤྱོད་ཡུལ་ཏེ།། འདི་ཡི་དགོངས་གཞི་མ་མཐོང་བར།། གཞན་དུ་རྩོལ་བ་ཨ་རེ་འཁྲུལ།། བྱ་བྱེད་མང་པོ་འཁོར་བའི་རྒྱུ།། བསླབ་སློབ་མངས་པས
86a3 ལམ་གྱི་གེགས།། སྤྲོ་བསྡུ་མང་པོ་སེམས་ཀྱི་གཟེར།། མཚན་མའི་རྗེས་འབྲངས་ཤ་ཐང་ཆད།། དེ་ན་འདི་ཡི་དོན་མ་རྟོགས།། སྐྱེ་བར་བྱེད་པའི་སྒོ་ཡང་འདི།། འཆི་བར་བྱེད་པའི་ལམ་ཡང་འདི།། དབུགས་ཆེན་འབྱིན
86a4 པའི་ས་ཡང་འདི།། ཡེ་ནས་སངས་རྒྱས་ཉིད་དང་མཉམ། བདག་ཉིད་ཆེན་པོ་ཀུན་འདུས་དཔལ། དཔལ་གྱི་ཐུགས་ཏེ་བྱ་བྲལ་ཀློང་། རང་བྱུང་ཡེ་ཤེས་ཉི་མ་ཡིས། མ་རིག་ལིང་ཐོག་བསལ་བས་མཐོང་། སོ་སོའི་སྟོན
86a5 པ་འདི་རུ་མཐོང་། སོ་སོའི་འཁོར་ཀྱང་འདི་རུ་མཐོང་། སོ་སོའི་བསྟན་པ་འདིར་མཐོང་སྟེ། ཀུན་ཏུ་སྣང་བས་བརྡལ་ཁྱབ་ཆེ། སངས་རྒྱས་ཀུན་གྱི་ས་ཡང་མཐོང་། རང་གིས་དགེ་བའི་བཤེས་གཉེན་བྱེད། རང་གིས
86a6 ཉན་པའི་འཁོར་ཡང་བྱེད། རང་གིས་བསྟན་པའི་ལམ་ཡང་བྱེད། གསང་སྔགས་བླ་ན་མེད་པའི་ལམ། ངེས་པར་བསྟན་པ་དེ་ལས་མེད།། དྲང་བའི་དོན་ལ་ཟད་མཐའ་མེད།། དྲང་དོན་ཚིག་གི་ལོ་མ་ཁ།། ངེས་པ་ངེས
iiif viewer powered by OpenSeadragon
