| e-texts navigator |
| Wylie |
85b1 དགུ་པའོ།། །། དེ་ནས་ཡང་བཅོམ་ལྡན་འདས་ཀྱིས་གསུངས་པ།། ཆོས་སྐུ་བསམ་དུ་མེད་པ་དང་།། ལོངས་སྐུ་དཔག་ཏུ་མེད་པ་དང་།། སྦྲུལ་སྐུ་བསམ་གྱིས་མི་ཁྱབ་པ།། ཀུན་གྱི་འབྱུང་གནས་འདི་ཡིན
85b2 པས།། ཐམས་ཅད་ཐམས་ཅད་རང་བྱུང་ཆེ།། སྟོང་ཉིད་ཐོ་ཆེན་འབར་བ་ལས།། རང་བྱུང་ཡེ་ཤེས་དོན་ཤར་བས།། ཕྱི་ནང་མེད་པར་བརྡལ་བའི་ཕྱིར།། ཐམས་ཅད་ཀུན་ཀྱང་བླང་དོར་མེད།། ཨེ་མ་གསང་བ་རྨད་དུ
85b3 བྱུང་།། སྐྱེས་བུ་དམ་པས་དེ་རིག་འགྱུར།། སྔོན་ཆད་དེ་ལྟར་མ་རིག་པས།། འཁོར་བའི་ས་བོན་དེ་ལས་བྱུང་།། སངས་རྒྱས་འཁྱམས་པ་ངོ་མཚར་ཆེ།། སྔོན་གྱི་སངས་རྒྱས་རྣམས་ཀྱིས་ཀྱང་།། སྤང་བླང་མེད་པའི་དོན
85b4 མཐོང་ནས།། ཉོན་མོངས་བྱང་ཆུབ་བླང་དོར་མེད།། ཉོན་མོངས་རང་བཞིན་གང་ཡིན་པ། གཞི་རྩ་མེད་ལས་བྱུང་བའི་ཕྱིར། རང་བྱུང་ཡེ་ཤེས་རང་ཤར་བས། དེ་ཡང་གཉེན་པོ་མེད་པ་ཡིན། བྱང་ཆུབ་སེམས་ཀྱི་རང
85b5 བཞིན་ཀྱང་།། དེ་དང་སྔ་ཕྱི་མེད་པར་འབྱུང་།། རང་བྱུང་ཡེ་ཤེས་རང་ཤར་བས།། དེ་ཡང་ནུབ་པ་མེད་པ་ཡིན།། ངེས་པར་རྟོགས་ན་དེ་ལས་མེད།། ལེགས་པར་མཐོང་ན་བཅོས་མི་དགོས།། ཐེ་ཚོམ་ཆོད་ན་གདེང་དང
85b6 ལྡན།། སེམས་ཀྱི་དམ་པ་དེ་ལས་མེད།། སེམས་ཀྱི་རང་བཞིན་ལྷུན་གྱིས་གྲུབ།། སེམས་ཀྱི་མཚན་ཉིད་མ་སྐྱེས་པས།། ཇི་བཞིན་ཀློང་ན་ཅི་བདེར་གནས།། རྩ་བ་སེམས་ཉིད་ཀློང་ཆེན་དེ།། གཅིག་ཏུ་ངེས་པར་གཞག
iiif viewer powered by OpenSeadragon
