| e-texts navigator |
| Wylie |
85a1 པའི་ཕྱིར།། སུ་ཞིག་གང་ལ་གང་གིས་འཆིང་།། འཆིང་གྲོལ་ཉིད་དུ་བྱང་ཆུབ་སེམས།། དེ་ལྟར་གོ་བའི་སྐྱེས་བུ་དེ།། གང་དང་གང་གིས་སྤྱོད་ཡུལ་ལ།། མཐའ་དང་བྲལ་བར་སྤྱོད་པ་ནི།། ང་བདག་མེད
85a2 པའི་ཆོས་ཉིད་ལ།། མ་བཅོས་མ་བསླད་ངང་གིས་གནས།། ཡིན་པར་ངེས་པའི་ཆོས་ཉིད་ལ།། མ་ནོར་ངེས་པའི་དོན་ཤར་བས།། ཇི་བཞིན་ཀློང་ན་བློ་བདེར་གནས།། སྐྱེ་འགག་མེད་པའི་ཆོས་ཀྱི་སྐུ། མ་སྐྱེས་པས་ན།
85a3 མི་འཇིག་ཅིང་།། མ་ཤར་བས་ན་མི་ནུབ་སྟེ།། མ་བྱས་པས་ན་བརླག་པ་མེད།། དངོས་སུ་མི་སྣང་ཕྱོགས་དང་བྲལ།། མ་བྱུང་བས་ན་མི་འགྲོ་ཕྱིར།། འགྲོ་འོང་མེད་པར་ཡེ་ནས་གནས།། ཀུན་ལ་ཁྱབ་ཅིང་སྒྲིབ་མེད
85a4 པས།། ནམ་མཁའ་ལྟ་བུའི་བདེ་ཆེན་སྐུ།། ཡོད་མེད་མིང་དང་བྲལ་བས་ན།། མཚོན་དུ་མེད་པ་ཆོས་ཀྱི་སྐུ།། ཆེ་ཆུང་བོངས་ཚོད་གཟུང་མེད་པས།། དངོས་གཞི་མེད་པ་ཆོས་ཀྱི་སྐུ།། མཚན་མའི་ཡུལ་དང་བྲལ་བའི
85a5 ཕྱིར།། ཐ་སྙད་མེད་པ་ཆོས་ཀྱི་སྐུ།། ཡུལ་དང་ཡུལ་ཅན་མ་གྲུབ་པས།། བལྟ་རུ་མེད་པ་ཆོས་ཀྱི་སྐུ།། མངོན་ཞེ་ན་གཉིས་དང་བྲལ་བའི་ཕྱིར།། གཟུང་དུ་མེད་པ་ཆོས་ཀྱི་སྐུ།། དཔེ་མེད་དཔེ་ལས་འདས་པ་དང་།། ཚད
85a6 མེད་ཚད་ལས་བརྒལ་བའི་ཕྱིར།། སྒོ་དང་སྐུར་པའི་མཐའ་ལས་འདས།། མཐའ་མེད་ཀློང་ན་ཕྱོགས་མེད་བདེ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། གསང་བ་བདེ་ཆེན་གྱི་ལེའུ་སྟེ་བཅུ
iiif viewer powered by OpenSeadragon
