| e-texts navigator |
| Wylie |
84a1 སྟེ་བཅོ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་གསུངས་པ། ཀློང་ཆེན་རྒྱ་ཡན་ཕྱོགས་མེད་ཀྱིས།། ཕྱོགས་འཛིན་མཐའ་ཡི་མདུད་པ་བཀྲོལ།། འཆིང་བ་གཉིས་ཀྱི
84a2 མདུད་པ་དང་།། སྒྲིབ་པ་གཉིས་ཀྱི་མུན་པ་བསལ།། མུན་སེལ་སྒྲོན་མ་རིན་པོ་ཆེ།། འགྲོ་དྲུག་སངས་རྒྱས་ཞིང་དུ་གསལ།། ཕྱོགས་མཚམས་བླ་འོག་མཐོ་དམན་ཀུན།། ཐིག་ལེ་གཅིག་གི་རྒྱར་མཉམ་པས།། སངས
84a3 རྒྱས་གོང་ན་མེད་པར་གསལ།། འཁོར་བ་འོག་ན་མེད་པར་གསལ།། འཁོར་འདས་རྒྱུ་འབྲས་རང་ཉིད་པས།། འགྲོ་དྲུག་སྡུག་བསྔལ་དེར་བཀྲོལ་ཀྱང་།། བྱང་ཆུབ་སེམས་ལ་བདག་གཞན་མེད།། མཉམ་པའི་དོན་ལ
84a4 མཐོ་དམན་མེད།། མཐོ་དམན་མེད་པ་མཉམ་པའི་ཁར།། རིག་པ་ཆོས་ཉིད་བརྡལ་བའི་རྫོང་།། ཀུན་ལ་ཁྱབ་པས་བརྡལ་བ་ཆེ།། གཉིས་སུ་མེད་པས་འཕོ་འགྱུར་མེད།། མི་འགྱུར་བརྟན་པས་རྡོ་རྗེའི་བདག། ཡེ་ནས
84a5 གནས་པའི་རང་བཞིན་ཏེ།། རྡོ་རྗེའི་མཁར་རྫོང་ཕྱོགས་མེད་དོན།། ཡུལ་མེད་རིག་པའི་མཚོན་ཆ་ཡིན།། ཡེ་ནས་དེ་ལྟར་གྲོལ་བ་ལ།། འདོད་འབྱུང་ཅིར་ཡང་འཆར་བས་ན།། ཡོན་ཏན་ནོར་བུ་རིན་པོ་ཆེ།། ཡེ་ནས་དེ
84a6 ཡི་ངོ་བོར་གནས།། དེ་ལ་སྐྱེ་ཤི་མེད་པ་དང་།། འཕོ་འགྱུར་མེད་པས་འབྲས་བུར་གདགས།། འབྲས་བུ་རང་དུ་ཤེས་པ་ལ།། གོལ་ས་གཡང་ས་ག་ལ་ཡོད།། ཡོད་ཀྱང་ཤུགས་ཀྱིས་ཆོད་པའི་ཕྱིར།། གཡང་ས་ཞེས་པ་ག།
iiif viewer powered by OpenSeadragon
