| e-texts navigator |
| Wylie |
83b1 ཡོད་དང་མེད་པའི་ཕྱོགས།། གཉིས་སུ་འཛིན་པའི་མདུད་པ་བཀྲོལ།། སྤྱོད་པ་བླང་དོར་མེད་པ་ལ།། སྤྱད་ཀྱང་སྐྱོན་གྱིས་མི་གོས་ཏེ།། རང་བྱུང་ཡེ་ཤེས་ཤར་ལུགས་ཡིན།། མ་སྤྱད་མཚན་མ་རང་སར་གྲོལ།། རང
83b2 གྲོལ་གཉིས་མེད་སྤྱོད་པ་ཡིས།། ཆེད་དུ་རྩོལ་བའི་མདུད་པ་བཀྲོལ།། ཨ་ཏིའི་འབྲས་བུ་སྤང་ཐོབ་མེད།། བསྒྲུབས་ཀྱང་སྐྱོན་གྱིས་མི་གོས་ཏེ།། རང་བྱུང་ཡོན་ཏན་རང་ལ་ཤར།། མ་བསྒྲུབས་མཚན་མ་རང་སར
83b3 གྲོལ།། གཉིས་མེད་རང་གྲོལ་འབྲས་བུ་ཡིས།། རེ་དང་དོགས་པའི་མདུད་པ་བཀྲོལ།། བསྲུང་མཚམས་མེད་པའི་དམ་ཚིག་ལ།། བསྲུངས་ཀྱང་སྐྱོན་གྱིས་མི་གོས་ཏེ།། རང་བྱུང་རོལ་པ་རང་གི་རྒྱན།། མ་བསྲུངས
83b4 མཚན་མ་རང་སར་གྲོལ།། གཉིས་མེད་རང་གྲོལ་དམ་ཚིག་གིས།། སྐྱོན་ཡོན་འབྱེད་པའི་མདུད་པ་བཀྲོལ།། བྱ་བཙལ་མེད་པའི་ཕྲིན་ལས་ལ།། རྩོལ་བསྒྲུབ་བྱས་ཀྱང་སྐྱོན་མེད་དེ།། རང་བྱུང་ཡེ་ཤེས་རོལ་པ
83b5 ཡིན།། མ་བྱས་མཚན་མ་རང་སར་གྲོལ།། གཉིས་མེད་རང་གྲོལ་ཕྲིན་ལས་ཀྱིས།། ཕྱོགས་སུ་བྱེད་པའི་མདུད་པ་བཀྲོལ།། ས་ལམ་བཅད་བགྲོད་མེད་པ་ལ།། སྦྱང་ཞིང་བགྲོད་ཀྱང་སྐྱོན་མེད་སྟེ།། རང་བྱུང་རོལ་པས
83b6 ལམ་ཤར།། མ་སྤངས་མ་བགྲོད་རང་སར་གྲོལ།། གཉིས་མེད་རང་གྲོལ་ས་ལམ་གྱིས།། ཆེད་དུ་བགྲོད་པའི་མདུད་པ་བཀྲོལ།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། མདུད་འགྲོལ་གྱི་ལེའུ
iiif viewer powered by OpenSeadragon
