| e-texts navigator |
| Wylie |
83a1 གསུམ་སྐུ་གསུམ་གཏན་ནས་སྤྲུགས།། སྐྱེ་ཤི་རྩད་ནས་བཅད་པ་དང་།། ཁམས་གསུམ་ཡོངས་སུ་བསྒྲལ་བ་དང་།། གཟུང་འཛིན་རྣམ་གཉིས་བསྲེག་པ་དང་།། བྱ་བྱེད་གཉིས་སྣང་ཐམས་ཅད
83a2 ཀུན།། ཉིད་ལ་ཉིད་འཛིན་ཉིད་སྤྱོད་པས།། རྩ་བ་བྱང་ཆུབ་སེམས་ཀྱི་ཀློང་།། བྱང་ཆུབ་སེམས་ནི་ཆོས་ཀྱི་སྐུར།། ཡེ་ནས་གནས་ཕྱིར་གཞན་མ་ཡིན།། རྒྱལ་བ་རྣམས་ཀྱང་དེ་ཡི་སྐུ།། ཕྱི་ནང་གསང་བའི་ཐེག་མཆོག།
83a3 ཀྱང་།། ཇི་སྙེད་བསྟན་པར་གྲགས་པ་ཀུན།། སེམས་ཉིད་དེ་ཡི་ཡོན་ཏན་དེ།། སེམས་ལས་མ་གཏོགས་ཆོས་མེད་པས།། སངས་རྒྱས་བྱ་བ་ལོགས་ན་མེད།། སེམས་ཉིད་ཀློང་དུ་མ་གྲོལ་ཞིང་།། ཆོས་ཉིད་ངང་དུ་མ
83a4 ཤེས་ན།། གཉིས་སུ་འཛིན་པའི་བློ་ཅན་ནི།། ནམ་མཁའི་ཀློང་དུ་མདུད་པ་བོར།། ཕྱོགས་འཛིན་སེམས་ཀྱི་མདུད་པ་སྟེ།། བརྟག་ཏུ་མེད་ལ་རྟོག་གེ་བྱུང་།། བལྟས་པས་མ་མཐོང་བསམ་དུ་མེད།། ཨ་ཏིའི་ལྟ་བ་ཕྱོགས
83a5 རིས་མེད།། བལྟས་ཀྱང་སྐྱོན་ཀྱིས་གོས་པ་མེད།། མ་བལྟས་མཚན་མ་རང་སར་གྲོལ།། གཉིས་མེད་རང་གྲོལ་ལྟ་བ་ཡིན།། ཡོད་མེད་གཉིས་ཀྱི་ལྟ་བ་ལ།། ཕྱོགས་སུ་འཛིན་པའི་མདུད་པ་བཀྲོལ།། སྤྱོད་པ་བླང་དོར
83a6 མེད་པ་ལ།། ཨ་ཏིའི་བསྒོམ་པ་དམིགས་གཏད་མེད།། བསྒོམས་ཀྱང་སྐྱོན་གྱིས་མ་གོས་ཏེ།། རང་བྱུང་རོལ་པ་རང་ལ་ཤར།། མ་བསྒོམས་མཚན་མ་རང་སར་གྲོལ།། རང་བྱུང་གཉིས་མེད་བསྒོམ་པ་ཡིས།། བསྒོམ་དུ
iiif viewer powered by OpenSeadragon
