| e-texts navigator |
| Wylie |
82b1 པའི་ཆོས་ཉིད་ལ།། ལྷར་སྣང་ཕྱོགས་སུ་འཛིན་པའི་བདུད།། གང་ཡང་འདྲ་བའི་ཆོས་ཉིད་ལ།། གཉིས་ཀ་རང་ཤར་རང་གྲོལ་བས།། ཡོ་ག་མ་སྤངས་རྫོགས་ཆེན་རྒྱན།། མ་ཧཱའི་ལྟ་བ་མདུད་པ་ཅན།། ཐབས་དང་ཤེས
82b2 རབ་སྒོར་ཞུགས་ནས།། བདེན་པ་དབྱེར་མེད་སྤྱོད་ཡུལ་བྲལ།། ཆོས་ཉིད་མཉམ་པའི་དོན་འདི་ལ།། སྤྱོད་ཡུལ་བྲལ་བ་ཕྱོགས་འཛིན་བདུད།། གཉིས་ཀ་རང་ཤར་རང་གྲོལ་བས།། མ་ཧཱ་མ་སྤངས་རྫོགས་ཆེན
82b3 རྒྱན།། ཨ་ནུའི་ལྟ་བ་མདུད་པ་ཅན།། དབྱིངས་དང་ཡེ་ཤེས་སྒོར་ཞུགས་ནས།། ཀུན་ཏུ་བཟང་པོ་བཟང་མོ་གཉིས།། གཉིས་སུ་མེད་པའི་བདེ་ཆེན་བལྟ།། ཡོད་ཀྱང་མཉམ་པའི་ཆོས་ཉིད་ལ།། གཉིས་མེད་ཕྱོགས་སུ
82b4 ལྷུལྟུང་བའི་བདུད།། རྒྱ་ཆད་མེད་པའི་ཆོས་ཉིད་ལ། གཉིས་ཀ་རང་ཤར་རང་གྲོལ་བས།། ཨ་ནུ་མ་སྤངས་རྫོགས་ཆེན་རྒྱན།། བྱ་བྲལ་དང་དུ་ཀུན་རྫོགས་པས།། མ་འདྲེས་ཡོངས་སུ་རྫོགས་པའི་རྒྱན།། མ་སྤངས་རང
82b5 སར་གྲོལ་བའི་ཀློང་།། སངས་རྒྱས་སྐུ་དང་སེམས་ཅན་ལུས།། ཇི་ལྟར་སྣང་བ་དབྱིངས་ཀྱི་རྒྱན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཐེག་པ་རང་གྲོལ་གྱི་ལེའུ་སྟེ་བཅུ་བདུན
82b6 པའོ།། །། དེ་ནས་བཅོམ་ལྡན་འདས་ཀྱིས་དགོངས་པ་མ་ནོར་པའི་དོན་གསུངས་པ། འགྲོ་ཀུན་ཡེ་ནས་སངས་རྒྱས་ཉིད།། ཉོན་མོངས་ཡེ་ཤེས་བདུད་རྩི་སྟེ།། འཁོར་བའི་གཡང་ས་བྱང་ཆུབ་སེམས།། དུག
iiif viewer powered by OpenSeadragon
