| e-texts navigator |
| Wylie |
82a1 ཤེས་པས།། བདག་མེད་གཉིས་འདོད་ཕྱོགས་འཛིན་བདུད།། གང་ཡང་འདྲ་བའི་ཆོས་ཉིད་ལ།། གཉིས་ཀ་རང་ཤར་རང་གྲོལ་བས།། སེམས་ཙམ་མ་སྤངས་རྫོགས་ཆེན་རྒྱན།། དབུ་མའི་ལྟ་བ་མདུད་པ
82a2 ཅན།། རིག་པས་ཀུན་རྫོབ་སྤྲོས་བཅད་ནས།། དོན་དམ་སྤྲོས་མེད་ངང་ལ་འཇལ།། བདེན་གཉིས་དོན་ལ་ཡིད་ཆེས་བལྟ།། གཉིས་མེད་མཉམ་པའི་ཆོས་ཉིད་ལ།། གཉིས་སུ་བལྟ་བ་ཕྱོགས་འཛིན་བདུད།། གཉིས་སུ
82a3 མེད་པའི་ཆོས་ཉིད་ལ།། གཉིས་ཀ་རང་ཤར་རང་གྲོལ་བས།། དབུ་མ་མ་སྤངས་རྫོགས་ཆེན་རྒྱན།། ཀྲི་ཡཱའི་ལྟ་བ་མདུད་པ་ཅན།། ཀུན་རྫོབ་སྣང་བ་རིགས་གསུམ་བལྟ།། དོན་དམ་དག་པའི་མཐའ་དང་བྲལ།། རྗེ
82a4 ཁོལ་ཚུལ་དུ་ལྟ་བར་བྱེད།། བཟང་ངན་མཉམ་པའི་ཆོས་ཉིད་ལ།། གཉིས་སུ་འཛིན་པ་ཕྱོགས་འཛིན་བདུད།། ཆོས་ཉིད་མཉམ་པའི་དོན་འདི་ལ།། གཉིས་ཀ་རང་ཤར་རང་གྲོལ་བས།། ཀྲི་ཡཱ་མ་སྤངས་རྫོགས་ཆེན
82a5 རྒྱན།། ཨུ་པའི་ལྟ་བ་མདུད་པ་ཅན།། བལྟ་སྤྱོད་གོང་འོག་རྗེས་སུ་འབྲེང་།། གཅིག་ལ་ལྟ་ཞིང་གཅིག་ལ་སྤྱོད།། གཉིས་འཛིན་ཁ་བྲག་ཕྱོགས་འཛིན་བདུད།། གཉིས་ཀའི་ཚུལ་དུ་ལྟ་བྱེད་པ།། གོང་འོག་མཉམ་པའི
82a6 ཆོས་ཉིད་ལ།། གཉིས་ཀ་རང་ཤར་རང་གྲོལ་བས།། ཨུ་པ་མ་སྤངས་རྫོགས་ཆེན་རྒྱན།། ཡོ་གའི་ལྟ་བ་མདུད་པ་ཅན།། དོན་དམ་སྣང་ལ་རང་བཞིན་མེད།། ཀུན་རྫོབ་དག་པའི་བྱིན་རླབས་ལྷ།། མཚན་མེད་མཉམ
iiif viewer powered by OpenSeadragon
