| e-texts navigator |
| Wylie |
81b1 ཀྱིས་དགོངས་པ་མ་ནོར་བ་འདི་གསུངས་སོ།། ཕྱོགས་རིས་ཀུན་དང་བྲལ་བ་ལ།། མཐའ་དང་དབུས་སུ་མི་དམིགས་ཏེ།། སྒོ་དང་སྐུར་བ་མེད་པའི་ཕྱིར།། བླང་དང་དོར་བ་ཡོངས་ཀྱིས་མེད།། རྒྱུ་འབྲས་ཀུན་ལས
81b2 འདས་པའི་ཕྱིར།། ཡེ་ནས་རྐྱེན་གྱིས་བསྐྱེད་དུ་མེད།། རྒྱུ་རྐྱེན་བྲལ་བའི་ཆོས་ཉིད་ལ།། མུ་སྟེགས་ལྟ་བ་མདུད་པ་ཅན།། རྟག་ཆད་གཉིས་ཀྱི་ངན་དཔྱད་ཀྱིས།། མཐའ་བྲལ་ལྟ་བ་མ་རྟོགས་ཏེ།། གཉིས་སུ་ཞེན་པ
81b3 ཕྱོགས་འཛིན་བདུད།། ཨ་ཏི་ཡོ་གའི་ལྟ་བ་ནི།། ཆོས་ཉིད་རྒྱ་ཆད་མེད་པ་ལ།། གཉིས་ཀ་རང་ཤར་རང་གྲོལ་བས།། མུ་སྟེགས་མ་སྤངས་རྫོགས་ཆེན་རྒྱན།། ཉན་ཐོས་ལྟ་བ་མདུད་པ་ཅན།། ཡུལ་སེམས་འབྲེལ་མེད
81b4 སྐད་ཅིག་བལྟ།། ཡོད་མེད་མཉམ་པའི་ཆོས་ཉིད་ལ།། མེད་པ་འདོད་པ་ཕྱོགས་འཛིན་བདུད།། ཨ་ཏི་ཡོ་གའི་ཆོས་ཉིད་ལ།། གཉིས་ཀ་རང་ཤར་རང་གྲོལ་བས།། ཉན་ཐོས་མ་སྤངས་རྫོགས་ཆེན་རྒྱན།། རང་རྒྱལ་ལྟ
81b5 དུད་པ་ཅན།། ཡུལ་སྟོད་གཅིག་ལ་ཤེས་པ་གཏད།། རྟེན་འབྲེལ་བཅུ་གཉིས་འཇུག་ལྡོག་བྱེད།། འབྱུང་འཇུག་མཉམ་པའི་ཆོས་ཉིད་ལ།། ཡོད་པར་འདོད་པ་ཕྱོགས་འཛིན་བདུད།། ཨ་ཏི་མཉམ་པའི་ཆོས་ཉིད
81b6 ལ།། གཉིས་ཀ་རང་ཤར་རང་གྲོལ་བས།། རང་རྒྱལ་མ་སྤངས་རྫོགས་ཆེན་རྒྱན།། སེམས་ཙམ་ལྟ་བ་མདུད་པ་ཅན།། རང་གསལ་གཟུང་འཛིན་དག་པ་ལ།། རང་སྒོ་བདེན་པར་བལྟ་བ་སྟེ།། ཤེལ་སྒོང་དག་པའི་ཚུལ
iiif viewer powered by OpenSeadragon
