| e-texts navigator |
| Wylie |
81a1 རྣམས་ཀུན།། ཡེ་ནས་མཚོན་དུ་མེད་པས་ན།། རྣམ་ཐར་ས་ལ་བགྲོད་མི་དགོས།། བསྟན་པའི་སྙིང་པོ་རང་ཡིན་པས།། ལྷ་སྲིན་སྡེ་བརྒྱད་མཐུ་ཆེ་ཡང་།། སངས་རྒྱས་ཐུགས་ལ་བརྒལ་དུ་མེད།། འདི་ལ
81a2 སུས་ཀྱང་བཅོས་སུ་མེད།། འདི་ལ་གང་ཡང་འདའ་བ་མེད།། སུ་ཡིས་དགོངས་ནས་ཅི་ཞིག་བསྒོམ།། མ་བསྒོམས་མཚན་མ་རང་སར་གྲོལ།། བྱ་དང་མི་བྱའི་ལས་རྣམས་ཀྱིས།། ཟིན་པར་ཅུང་ཟད་མི་འགྱུར་ཏེ།། མ
81a3 བྱས་ཡེ་ནས་སངས་རྒྱས་ས།། གདོད་ནས་དག་པས་མཆོག་གི་དཀྱིལ།། དཀའ་ཐུབ་བརྟུལ་ཞུགས་མི་དགོས་པས།། བྱང་ཆུབ་ཀློང་དུ་བདེ་བར་གནས།། གང་ལ་ཅི་ཡང་མི་དགོས་ཤིང་།། ཡེ་ནས་རྣམ་དག་སྐྱོན་མེད
81a4 པས།། འཕགས་པའི་ས་ལ་མ་བགྲོད་ཕྱིན།། ཆོས་དབྱིངས་འཕགས་པ་ཀུན་གྱི་གནས།། ཀུན་གཞི་རྣམ་དག་བྱང་ཆུབ་སེམས།། སེམས་ལས་མེད་པར་གསུངས་པས་ན།། སེམས་ཉིད་ཇི་ལྟར་གནས་ཀྱང་རུང་།། དེ
81a5 ཉིད་གང་དུ་ཤར་ཀྱང་རུང་།། རོལ་པའི་སྙིང་པོར་རང་འབྱུང་བས།། ཕྱི་ནང་ཀུན་གྱི་འབྱུང་ས་ཡིན།། ཡེ་ནས་སྙིང་པོ་གཞི་རྩ་མེད།། ཅི་ཡང་མེད་ལས་ཅིར་ཡང་འབྱུང་།། སྐལ་དང་ལྡན་པས་རྟོགས་འགྱུར་ཏེ།། སྐལ
81a6 མེད་རྣམས་ཀྱིས་རྟོགས་པ་མིན།། ཞེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དབྱིངས་ལ་འགྲོ་འོང་མེད་པར་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་བཅོམ་ལྡན་འདས
iiif viewer powered by OpenSeadragon
