| e-texts navigator |
| Wylie |
80b1 པས་ན།། སངས་རྒྱས་གཞན་ན་རྡུལ་ཙམ་མེད།། མྱ་ངན་འདས་པའི་ཞིང་ཁམས་དེ།། ཁམས་གསུམ་སེམས་ཅན་བཙོན་ར་སྟེ།། གཉིས་མེད་འདུས་པའི་ཀློང་ཆེན་དེ།། ཀུན་ལ་སྙོམས་པའི་འགྲོ་ཁུངས་ཡིན།། དེ་ལ
80b2 མེད་པ་བཙལ་དུ་མེད།། དེ་ལ་ཡོད་པ་སྤང་དུ་མེད།། སྟོར་བྲལ་མེད་པའི་ཀློང་ཆེན་དེ།། འདུ་འབྲལ་མེད་པའི་ཕོ་བྲང་ཡིན།། བྱང་ཆུབ་སེམས་ཀྱི་མཚན་ཉིད་ཡིན།། ཐམས་ཅད་ཀུན་ལ་མཉམ་པར་གནས།། གཡོས་པ
80b3 མེད་པར་རྒྱུན་དུ་གནས།། རང་བཞིན་དག་པར་རྒྱུན་དུ་གནས།། མཚོན་དུ་མེད་པར་རྒྱུན་དུ་གནས།། ཁ་དོག་དབྱིབས་སུ་མི་རྟོག་སྟེ།། རང་གི་མཚན་ཉིད་དམིགས་སུ་མེད།། དེ་ཤེས་དོན་ལ་འདའ་བ་མེད།། ཡོན
80b4 ཏན་ལྷུན་གྱིས་རྫོགས་པས་ན།། རང་གི་སེམས་ལས་མ་གཏོགས་པའི།། ཆོས་གཞན་ལོགས་ན་ཡེ་ནས་མེད།། འདི་ལ་ཕྱི་དང་ནང་མེད་པས།། གཉིས་སུ་མི་འབྱེད་ཕྱི་དང་ནང་།། རང་བཞིན་ཀུན་ཏུ་བཟང་མོར
80b5 གཅིག། ཕ་རོལ་ཚུ་རོལ་མ་མཐོང་བས།། མཐའ་གཉིས་ཀློང་དུ་མཉམ་པར་གནས།། མཉམ་ཉིད་གཅིག་ལ་གཉིས་མེད་པས།། མི་འབྱེད་རྒྱལ་བའི་སྐུ་རུ་གཅིག། རྒྱལ་བའི་སྐུ་ལས་མ་གཏོགས་པའི།། ཏིང་འཛིན
80b6 ཡུལ་ལ་བསྒོམ་མི་དགོས།། དབང་པོ་རང་ཡན་མ་གཏོགས་པ།། དབེན་པའི་དགོན་གནས་བཟུང་མི་དགོས།། ཡུལ་སེམས་ཀློང་དུ་གཅིག་པས་ན།། ཉམས་དགའ་ཕྱི་རོལ་བལྟ་རུ་མེད།། ལམ་དང་འབྲས་བུའི་ཆོས
iiif viewer powered by OpenSeadragon
