| e-texts navigator |
| Wylie |
80a1 ཀློང་ཆེན་འདི།། མཆོག་གི་དགོངས་པ་ཟབ་མོ་སྟེ།། དམན་པའི་ཐེག་པས་འདི་མི་མཐོང་།། ཐེག་མཆོག་ཤིན་ཏུ་ཡངས་པའི་ཆོས།། ཟབ་པར་གྱུར་པས་གཟུང་དུ་མེད།། བཟང་བས་མི་ཟིན་ཆུ་ཟླ
80a2 བཞིན།། ཀུན་སྙོམས་ཀུན་འབྱུང་ནམ་མཁའི་ཀློང་།། རྫོགས་ཆེན་བྱ་བྲལ་ཡངས་པའི་ཆོས།། སྙིང་པོའི་ངང་ལ་བྱ་བཙལ་བྲལ།། རང་སེམས་རྣམ་དག་མཁའ་དབྱིངས་ཀློང་།། མཚན་ཉིད་དེ་མཐོང་རྒྱལ་བའི
80a3 སྲས།། ཐམས་ཅད་ཀུན་ཏུ་བཟང་པོའི་ཀློང་།། ཅིར་སྣང་ཀུན་ཏུ་བཟང་པོའི་མཁའ།། མཁའ་དབྱིངས་དག་པའི་ཀློང་དཀྱིལ་དེ།། འཁོར་འདས་རྣམས་ཀྱི་འགྲོ་ས་ཡིན།། རྫོགས་སོ་རྫོགས་སོ་འདི་རུ་རྫོགས།། འདི
80a4 ལ་ཐམས་ཅད་མ་ལུས་རྫོགས།། འདུས་སོ་འདུས་སོ་འདི་ལ་འདུས།། ཕྱི་ནང་འཁོར་འདས་འདི་རུ་འདུས།། འདི་ལས་ཤིན་ཏུ་ཟབ་པའི་ཆོས།། བཙལ་ཡང་རྒྱལ་བས་མི་རྙེད་དེ།། སེམས་ཅན་རྣམས་ཀྱིས་དེ་མ
80a5 རིག། མ་རིག་སེམས་དང་བཅས་ནས་འགྲོ།། འགྲོ་བའི་ལམ་ཆེན་དྲང་སྲོང་ཤུལ།། མཁའ་ཀློང་ཡངས་པ་ཀུན་དུ་བཟང་།། ཐམས་ཅད་འདི་ལྟར་ཤེས་པ་ན།། བླ་མེད་ལམ་མཆོག་ཡེ་ནས་ཐོབ།། ལེགས་པར་བརྟགས
80a6 ན་སེམས་ཉིད་རང་།། མཉམ་ཉིད་རིག་པའི་འབྱུང་ཁུངས་ཡིན།། དུས་གསུམ་རྒྱལ་བ་མ་ལུས་ཀྱང་།། གང་དུ་མ་བཞུད་དེ་ཁོ་ན།། གང་དུ་མི་གནས་དེ་ཁོ་ན།། གང་ནས་མ་བྱུང་དེ་ཁོ་ན།། དབྱིངས་ལ་གཞི་བཞག་ཡིན
iiif viewer powered by OpenSeadragon
