| e-texts navigator |
| Wylie |
7b1 བཀྲ་ཤིས་ཉི་མ་ཡིན།། འབྲས་བུ་སྐུ་གསུམ་རང་གྲོལ་ཡིན།། ཞེས་གསུངས་སོ།། འབྱུང་པོ་ཀུན་འདུལ་གྱི་རྒྱུད་ལས། དབང་གི་སྡོམ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན
7b2 ཅིག་རྡོ་རྗེ་ཆོས་ཀྱི་བློ་གྲོས་ཁྱོད།། བུམ་པའི་དབང་གི་ངོ་སྤྲོད་པ།། བུམ་པའི་ངོ་བོ་ངེས་ཚིག་དབྱེ་བ་དང་།། མཐུན་པའི་དཔེ་དང་བསྐུར་བའི་གནས།། བསྐུར་བའི་རྫས་དང་དུས་ཚོད་དང་།། ཡོན་ཏན་འབྲས་བུ་སྐྱོན
7b3 བསྟན་པ།། བུམ་པའི་ངོ་བོ་འདུས་པ་ཡིན།། ངེས་པའི་ཚིག་ནི་རྫོགས་པ་ཡིན།། དབྱེ་བ་ཕྱི་ནང་གསང་བའོ།། མཐུན་པའི་དཔེ་ནི་རིན་པོ་ཆེ།། བསྐུར་བའི་གནས་ནི་མགོ་བོ་ལ།། རྫས་ནི་ཕྱི་ནང་གསང་བའོ།། དུས་ནི
7b4 གནམ་སྟོང་ཉི་མ་ལ།། ཡོན་ཏན་ལུས་ཀྱི་སྒྲིབ་གསུམ་དག། སྲོག་གཅོད་མ་བྱིན་འདོད་ལོག་དག། འབྲས་བུ་སྤྲུལ་པའི་སྐུ་རུ་རྫོགས།། མ་བསྐུར་ཁམས་གསུམ་འཁོར་བར་འཁྱམས།། ཕྱི་ཡི་བུམ་པ་རིན་ཆེན
7b5 དང་།། བུམ་པའི་རྫས་ནི་འདི་དག་གོ། འབྲུ་ལྔ་སྨན་ལྔ་རིན་ཆེན་ལྔ།། སྤོས་ལྔ་སྙིང་པོ་རྣམ་ལྔ་ཡིན།། བསྐུར་གནས་ལ་སོགས་གོང་དུའོ།། ནང་གི་བུམ་པ་བླ་མའི་སྐུ།། བདུད་རྩི་ལ་སོགས་ལུས་ལ་རྫོགས།། བསྐུར
7b6 བའི་གནས་ནི་ལྕེ་ལའོ།། རྫས་ནི་བདུད་རྩི་འོ་མ་ཆུ།། དུས་ནི་བསྐྱེད་རིམ་བསྒོམ་པའི་དུས།། ཡོན་ཏན་ངག་གི་སྒྲིབ་པ་དག། བདུད་རྩི་ལྕེ་ལ་བཞག་པའོ།། དགོས་པ་ཐ་མལ་རྟོག་པ་མེད་པ་དང་།། བདུད་རྩི
iiif viewer powered by OpenSeadragon
