| e-texts navigator |
| Wylie |
7a1 བསྐུར་ཐབས་མེད།། གཟུགས་མེད་པ་ཡི་ཁམས་རྣམས་ལ།། དབང་རྣམས་བསྐུར་བའི་རྟེན་མེད་དེ།། རྩ་རླུང་རྟོག་པ་མི་དམིགས་པས།། ཡེ་ཤེས་དབང་བསྐུར་ག་ལ་ནུས།། གཟུགས་ཁམས་རྩ་དང་རླུང
7a2 ཡོད་ཀྱང་། ཁམས་ཀྱི་ཟས་ཀྱང་བྲལ་བས་རྟེན་མ་ཡིན།། དེས་ན་འདོད་ཁམས་གནས་རིས་ཁོ་ན་ལ།། དབང་རྣམས་བསྐུར་བའི་རྟེན་དུ་རུང་།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཁོང་ཁྲོ་ཕྲག་དོག
7a3 གིས།། གདུངས་ནས་འདུས་པའི་འདོད་ཁམས་འདི།། དབང་གི་སྣོད་དུ་རུང་བ་ཡིན།། དབང་དང་མན་ངག་ལག་ལེན་གསུམ།། སྣོད་དང་བཅུད་དང་བསྐུར་ཐབས་གསུམ།། ཕྱི་དང་ནང་དང་གསང་བའོ།། བུམ
7a4 པ་ཐབས་དང་ཤེས་རབ་དང་།། རྒྱུ་དང་ངོ་བོ་དབྱེ་བའོ།། བསྐུར་ཐབས་གནས་དང་རྫས་དང་ནི།། གླེང་གཞི་དཀྱིལ་འཁོར་བསྐུར་བའི་དུས།། འབྲས་བུ་དང་ནི་ངེས་པའི་ཚིག། རྒྱུ་ནི་ས་ཆོག་ལ་སོགས་ས་བསླང
7a5 བརྟག་དང་སྦྲང་དང་བྲི་བ་དང་།། མཆོད་པའི་རྫས་དང་རྒྱན་དགྲམ་པ།། དཀྱིལ་འཁོར་ཆོ་ག་ལ་སོགས་ཡིན།། ངོ་བོ་དབང་ཐོབ་དོན་དང་ལྡན།། ངེས་ཚིག་དོན་ལྡན་རྣལ་འབྱོར་པས།། དབྱེ་བ་ཕྱི་ནང་གསང
7a6 བའོ།། གླེང་གཞི་སྔོན་བྱུང་རྗེས་འཇུག་གོ། དཀྱིལ་འཁོར་ཕྱི་ནང་ཀུན་ལ་སྣང་།། བསྐུར་ཐབས་བསྐྱེད་རིམ་རྫོགས་རིམ་མོ།། གནས་ནི་ལུས་ངག་ཡིད་གསུམ་མོ།། རྫས་ནི་བུམ་པ་ཐབས་དང་གསང་བའོ།། དུས་ནི
iiif viewer powered by OpenSeadragon
