| e-texts navigator |
| Wylie |
79b1 འཇུག་མི་དགོས།། ཐུགས་རྗེ་ཤུགས་ཀྱིས་འབྱུང་བས་ན།། རེ་བའི་ལམ་ལ་བཙལ་མི་དགོས།། ཆགས་སྡང་གནས་ལས་མ་འཕགས་པར།། གཟུང་དང་འཛིན་པའི་སྟེགས་བཅས་ནས།། ཕྱོགས་མེད་འབྲས་བུ་འདོད་པ
79b2 ནི།། ཁྱི་རྒན་འདབ་ཆགས་བསྙེག་པ་བཞིན།། ཟབ་མོའི་དགོངས་པ་འཆར་མི་འགྱུར།། རྣམ་པར་མི་རྟོག་དོན་འཚོལ་ནས།། སྣང་བ་རིས་སུ་བོར་བས་ནི།། སྟོང་པའི་ཕྱོགས་སུ་ཁ་ལྟ་བ།། རྒྱུས་མེད་ལམ་དུ་ཞུགས་པ
79b3 བཞིན།། གཡས་སུ་ཕྱིན་པས་གཡོན་དུ་འཁྱོག། མི་རྟོག་འདོད་པ་རྟོག་པའི་ནད།། འཁོར་བའི་བཙོན་ར་དམ་པོར་འཁྱམས།། བཅོས་པར་དཀའ་ལ་ལྷུང་ཚབས་ཆེ།། དེས་ན་ཅིར་ཡང་བསྒོམ་མི་བྱ།། ཞེས་གསུངས
79b4 སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས།། མི་རྟོག་པ་བསྒོམ་དུ་མེད་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་བཅོམ་ལྡན་འདས་ཀྱིས་འཁོར་རྣམས་ལ་དགོངས་པ་མ་ནོར་བའི་དོན་འདི་གསུངས
79b5 སོ།། འདི་ཞེས་དམིགས་སུ་མེད་པ་དང་།། མཚན་མའི་ཡུལ་ལས་འདས་པ་ཡི།། ནམ་མཁའ་ལྟ་བུའི་ཆོས་ཉིད་དེ།། ཀུན་ལ་གསལ་སྙོམས་ཉི་ཟླའི་འོད།། གཏི་མུག་མུན་པ་སེལ་བ་ཡི།། སྒྲོན་མ་ལྟ་བུའི་བྱང་ཆུབ
79b6 སེམས།། ཐ་རམ་སྒོ་ལྕགས་དམ་པོ་དེ།། འབྱེད་པར་བྱེད་པའི་ལྡེ་མིག་སྟེ།། འཕྲུལ་ཆེན་གསང་བའི་སྒོ་ཕྱེ་ནས།། སྐུ་གསུམ་ནོར་བུའི་གཏེར་མཛོད་བསྟན།། དེ་མཐོང་རྒྱལ་བ་རྣམས་དང་མཉམ།། རྣམ་ཐར་འབྱུང་བའི
iiif viewer powered by OpenSeadragon
