| e-texts navigator |
| Wylie |
79a1 བྱེད།། ཏིང་འཛིན་རོ་ལ་མི་ཆགས་ཤིང་།། ཆགས་སྡང་གནས་ནས་མི་སྐྱེ་བ།། དེ་ཡི་རང་བཞིན་རྟོགས་ལས་བྱུང་།། སངས་རྒྱས་སེམས་ཅན་གཉིས་མེད་ལ།། འཁོར་འདས་བཟང་ངན་མི་འབྱེད་པ།། དེ
79a2 ཡི་དང་ངམ་ཤུགས་ལས་འབྱུང་།། ས་དང་ལམ་ལ་མ་བགྲོད་ཀྱང་།། དེ་བཞིན་ཉིད་ལས་མ་གཡོས་པས།། ཅིར་སྤྱད་ཟག་པ་མེད་ལས་འབྱུང་།། ཅིར་ཡང་མི་སྣང་མི་དམིགས་དང་།། གང་ཡང་མ་མཐོང་ཅིར་མི
79a3 བསྒོམ།། ངེས་པའི་དོན་ལ་བལྟས་པས་གསལ།། སངས་རྒྱས་རྣམས་ཀྱི་གྲུབ་པའི་མཐའ།། སྐྱེ་འགག་མེད་པའི་དོན་འདི་ཉིད།། རྒྱལ་བ་ཀུན་གྱི་ལམ་པོ་ཆེ།། འདི་ལས་གཞན་པའི་དགོངས་པ་ནི།། སངས་རྒྱས་རྣམས
79a4 ལ་ཡོངས་མི་མངའ།། དགོངས་པ་འདི་ལས་ཐམས་ཅད་འབྱུང་།། འཕགས་པའི་ཡུལ་དང་གནས་ཀྱང་གསལ།། སེམས་ཅན་ལུས་དང་བག་ཆགས་ཀྱང་།། འདི་ལ་རྟེན་བཅས་སྣང་བ་ཡིན།། ཐེག་པའི་ཁྱད་པར་ཇི་སྙེད
79a5 པ།། དེ་ཡི་མཐུ་ལས་བྱུང་བ་ཡིན།། མཆོག་ཏུ་གསང་བའི་ཆོས་ཉིད་འདི།། ཞི་བ་ལ་ཕྲ་སྟེ་བརྟག་དཀའ་བས།། དམིགས་ཤིང་བསམ་པའི་ཡུལ་མ་གྲུབ།། བསྒོམ་ཞིང་བསྒྲུབ་པའི་ཁར་མ་ལུས།། སེམས་ཀྱི་ངང་ལ
79a6 བསམ་དུ་མེད།། རང་བྱུང་ཡེ་ཤེས་བསྒྲུབ་མི་དགོས།། ནམ་མཁའི་ཀློང་ལ་བཟོ་བྱར་མེད།། རྒྱལ་སྲས་རང་དུ་སྣང་བའི་ཕྱིར།། འདི་ལ་འབྲས་བུ་ཐོབ་ཏུ་མེད།། དོན་གྱི་ངོ་བོ་གཞན་མིན་པས།། རྣམ་ཐར་ལམ་དུ
iiif viewer powered by OpenSeadragon
