| e-texts navigator |
| Wylie |
78b1 ལ་སྤྱོད་པ་ནི།། རྙེད་པར་མི་འགྱུར་ཚེ་ཆད་ནས།། བཙལ་བའི་སྤྱོད་ཡུལ་ཀུན་ལས་འདས།། བསམ་པའི་ཡུལ་དུ་སྣང་བ་མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། དོན་མཉམ་པ་ཉིད་དུ
78b2 བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་བཅོམ་ལྡན་འདས་ཀྱིས་དགོངས་པའི་དོན་མ་ནོར་བའི་དོན།། འཁོར་རྣམས་ལ་བཀའ་སྩལ་བ། བྱང་ཆུབ་བདེ་བའི་ཀློང་ཆེན་ན།། ལོག་རྟོག་འཁྲུལ་པས
78b3 བརྟགས་ནས་ནི།། རྒྱུ་དང་འབྲས་བུའི་དོན་རྟོགས་པ།། ཡང་དག་གནས་སུ་དེ་མི་སྐྱོལ།། དོན་མཐོང་ལམ་ནས་ལོག་པ་བཞིན།། རང་གི་སྣང་ཚུལ་མ་ཤེས་པས།། རྒྱུ་རྐྱེན་མེད་ལ་དེ་ཡང་བསྒྲིབ།། རང་བཞིན་གཡོ།
78b4 འགུལ་མེད་པ་ལ།། དེ་ལྟར་དེ་བཞིན་གནས་པ་ནི།། ཇི་ལྟར་གནས་ཀྱང་རང་གི་སེམས།། གཞན་དུ་སྣང་བ་རྡུལ་ཙམ་མེད།། རང་ལས་མ་གཏོགས་གཞན་ཞིག་ཏུ།། གུད་དུ་ཅིར་ཡང་བཙལ་དུ་མེད།། སྟོང་པའི་བློ་དང
78b5 མཚན་མའི་རྟགས།། དུས་རྣམས་རྟག་ཏུ་དབྱེར་མེད་པས།། དེ་ལྟར་དེ་བཞིན་གནས་པས་ནི།། ཇི་ལྟར་གནས་ཀྱང་བྱང་ཆུབ་སེམས།། སྟོང་པའི་བཞག་ས་ལོགས་ན་མེད།། གཉིས་མེད་རིག་པའི་དོན་དེ་ལ།། ཉམས
78b6 སུ་བླངས་དང་མ་བླངས་བློ།། བསྒོམས་པས་མཚན་མའི་ཀླུང་མི་ཟློག། དེ་ཉིད་རང་བཞིན་གཞིར་བཞག་ལ།། སངས་རྒྱས་རྣམས་ཀྱིས་ཅི་ལ་བསྒྲུབས།། གང་ཡང་དམིགས་སུ་མེད་པ་ལ།། སེམས་ཅན་བླང་དོར་ཅི་ལ
iiif viewer powered by OpenSeadragon
