| e-texts navigator |
| Wylie |
77b1 ཡིན་པའི་ཕྱིར།། གཟུང་འཛིན་མེད་ན་འཆིང་གྲོལ་མེད།། འཛིན་པའི་དགྲ་རུ་གྲོལ་བ་ཆེ།། གྲོལ་བས་གྲོལ་ན་རང་ཡིན་པས།། མ་གྲོལ་བས་ཀྱང་གྲོལ་བར་རིགས།། གཉིས་འཛིན་རྟོག་པའི་བྱེ་བྲག་དེ།། རང་སྣང
77b2 གཅིག་གི་སྟོབས་ལས་བྱུང་།། རྟོགས་པས་གྲོལ་བ་ཡིན་པའི་ཕྱིར།། མ་རྟོགས་པས་ཀྱང་གྲོལ་བར་རིགས།། རང་སྣང་གཅིག་ཏུ་འདྲ་བའི་ཕྱིར།། བྱང་ཆུབ་སེམས་ལ་འཆིང་གྲོལ་མེད།། འཆིང་གྲོལ་མཉམ་པའི་ཆོས
77b3 ཉིད་ལ།། རྟོགས་དང་མ་རྟོགས་ཡེ་ནས་མེད།། མཉམ་ཉིད་དགྲ་རུ་རྟོག་པ་ཆེ།། མ་རྟོགས་སྐྱོན་དུ་བལྟ་བའི་ཕྱིར།། མཉམ་པ་རིས་མེད་དོན་ལས་ཉམས།། ཉམས་སུ་བླངས་ཀྱང་མཉམ་བྱེད་ལ།། མ་བླངས་བཞག་པ
77b4 རྟོགས་པའི་བློ།། ཀློང་ལ་ཅི་དང་ཅིར་ཤར་ཡང་།། བཟང་རྟོག་ངན་རྟོག་ཕྱོགས་སུ་འདྲ།། ལུས་འཆོས་སེམས་འཆོས་ཉམས་མྱོང་རྟེན།། མཉམ་པ་ཉིད་ལ་འཆོས་པ་དེ།། ནམ་མཁའ་བཟོ་ཡིས་འཆོས་པ
77b5 བཞིན།། གཉིས་སུ་འཛིན་པའི་དགྲ་རུ་ཆེ།། རིམ་པ་བརྒྱད་ཀྱི་ལྷ་སྒོམ་ཡང་།། འབད་རྩོལ་བྱས་ནས་སངས་རྒྱས་འདོད།། སངས་རྒྱས་དགོངས་པ་མཉམ་ཉིད་ལ།། མི་རྟོག་རྟོག་པ་དགྲར་ལངས་པས།། མཉམ་ཉིད
77b6 མཐའ་རུ་ལྷུང་བའི་ཕྱིར།། དགྲ་བོ་བསད་པའི་ལས་བྱས་ན།། སྐྱོན་ཡོན་གཉིས་བསྡུས་ཆོས་རྣམས་ཀུན།། མཉམ་པ་ཆེན་པོར་ཀུན་འདུས་ཏེ།། རང་རིག་ཀློང་དུ་གནད་བཅད་ནས།། སྐྱེ་མེད་དོན་ལ་ངོ་སྤྲད
iiif viewer powered by OpenSeadragon
