| e-texts navigator |
| Wylie |
77a1 མཐོང་བས།། ཡོན་ཏན་རང་ལ་རྫོགས་པ་སྟེ།། དེ་ལས་གཞན་དུ་ཅི་ཡང་མེད།། མེད་པའི་དོན་ལ་མི་བལྟ་སྟེ།། བལྟས་དང་མ་བལྟས་གཉིས་སུ་མེད།། རང་སར་གྲོལ་བས་ཆོས་ཉིད་ཀློང་།། ཞེས
77a2 གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། བྱང་ཆུབ་ཀྱི་སེམས་གཞི་རྩ་མེད་པར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་བཅོམ་ལྡན་འདས་ཀྱི་དགོངས་པའི་དོན་མ་ནོར
77a3 པབར་གསུངས་པ། མི་དམིགས་མི་བཙལ་དེ་བཞིན་ཉིད།། དེ་ལས་གཞན་དུ་མི་འགྱུར་ན།། འཛིན་ཆགས་སྐྱོན་གྱིས་དེ་མི་གོས།། རང་གི་ཤེས་རིག་དམ་པ་ལ།། གཟའ་གཏད་བཅའ་བའི་ཡུལ་མེད་པས།། ཆགས་སྡང
77a4 གཉིས་ཀྱི་བློ་མི་སྐྱེ།། བསམ་པའི་ཡུལ་དང་བྲལ་བ་ལ།། བསྒོམ་དང་མི་བསྒོམ་མེད་པའི་ཕྱིར།། རྟོགས་པའི་ཀློང་ལས་ཉམས་པ་མེད།། ཆོས་ཅན་ཆོས་ཉིད་གཅིག་པ་ལ།། དབྱེ་བསལ་བླང་དོར་མེད་པའི
77a5 ཕྱིར།། འཕྲུལ་པའི་རྗེས་སུ་མི་འབྲང་སྟེ།། མཚན་བཅས་མཚན་མེད་བསྒོམ་པ་ལ།། དམིགས་པར་བྱ་བའི་ཡུལ་མེད་པས།། རྟོགས་དང་མི་རྟོག་དབྱེ་བསལ་མེད།། དང་དུ་བླང་རྒྱུ་མེད་པ་ལ།། བོར་བར་བྱ་བའི་ཡུལ
77a6 མེད་པས།། བཏང་སྙོམས་ལེ་ལོའི་ཁར་མ་ལུས།། འདོད་ཆགས་ཞེ་སྡང་གཏི་མུག་ཀྱང་།། བདེ་བ་ཆེན་པོའི་རྒྱན་ཡིན་པས།། ཆགས་སྡང་རྩད་ནས་གཅད་དུ་མེད།། གྲོལ་དང་མ་གྲོལ་བློ་ཡིན་ཏེ།། འཛིན་པའི་རྟོག་པ
iiif viewer powered by OpenSeadragon
