| e-texts navigator |
| Wylie |
76b1 བ་མེད་དེ་ཡེ་སངས་རྒྱས།། དེས་ན་གཡོ་འགུལ་མེད་པའི་ཕྱིར།། སངས་རྒྱས་ས་ལ་རང་བཞིན་གནས།། གཡོ་དང་མི་གཡོའི་ཐ་སྙད་ཀྱང་།། མཚོན་པ་ཙམ་དུ་བཏགས་པ་ལས།། རང་གི་ངོ་བོ་བརྗོད་ལས
76b2 འདས།། ཤིན་ཏུ་གཏིང་རིང་དཔག་དཀའ་བས།། ཡངས་ལ་གཏིང་ཟབ་ནམ་མཁའི་ཀློང་།། ནམ་མཁའི་ཀློང་ལ་ཁ་གཏིང་མེད།། རང་གསལ་རིག་པ་ཕྱི་ནང་མེད།། ཇི་ལྟར་དངོས་གཞི་མེད་པའི་ཕྱིར།། དཔེས
76b3 མཚོན་འབྱུང་ཆེན་ནམ་མཁའ་ལ།། ཡོད་དང་མེད་ཅེས་གདགས་སུ་མེད།། སྒྲོ་སྐུར་བྲལ་བའི་ཆོས་ཉིད་ལ།། བཟང་ངན་གཉིས་ཀྱི་ནད་དང་བྲལ།། གོང་བཞིན་སེམས་ཉིད་ནམ་མཁའ་ལ།། བཙལ་དུ་ཡོད་དང་མེད
76b4 པའི་མཐའ།། དམིགས་པའི་ཡུལ་དང་བྲལ་བ་སྟེ།། ཡུལ་མེད་དེ་ལ་དམིགས་པའང་མེད།། མི་བཙལ་རང་བཞིན་ཀློང་དུ་བཞག། བྱ་བྲལ་དབྱིངས་ཀྱི་ངང་དུ་ཐིམ།། གཞག་དང་མ་བཞག་ཐ་སྙད་མེད།། མི་བསམ་མི
76b5 བརྟག་རང་ལུགས་ལ།། རྟོག་པ་ཅི་སྐྱེས་མི་འགག་པས།། གཞག་ཏུ་མེད་པའི་གཞག་ཐབས་ཡིན།། མ་བཞག་འགྲོ་འོང་མེད་པས་ན།། རིག་པ་རང་ས་ཟིན་པའི་ཕྱིར།། བསྒོམ་དུ་མེད་པའི་བསྒོམ་ཐབས་ཡིན།། འཁུ
76b6 འཕྲིགས་ཡིད་གཉིས་མི་ཟ་བས།། བཅོས་སུ་མེད་པའི་བཅོས་ཐབས་ཡིན།། ཆོས་ཉིད་མ་དང་འཕྲད་པའི་ཕྱིར།། འགྱུར་མེད་གནད་ལ་ཕེབས་པ་ཡིན།། བསམ་ཡས་སྣང་ཡང་དེ་ལ་སྣང་།། དེར་སྣང་གཞན་དུ་མ
iiif viewer powered by OpenSeadragon
