| e-texts navigator |
| Wylie |
76a1 ཀློང་ཕྲན་བཞི་བྱུང་སྟེ།། བྱང་ཆུབ་སེམས་ཀྱི་གནས་ཡིན་ཏེ།། ཅིར་ཡང་གནས་ཤིང་ཅིར་ཡང་བལྟ།། ལྟ་བ་ཕྱོགས་མེད་ཀློང་ཆེན་ཡིན།། བྱང་ཆུབ་སེམས་ཀྱི་ཤར་ལུགས་དེ།། ཅིར་ཡང་ཤར་ཞིང་ཅིར
76a2 ཡང་སྤྱོད།། སྤྱོད་པ་ངེས་མེད་ཀློང་ཆེན་ཡིན།། བྱང་ཆུབ་སེམས་ཀྱི་ཡིན་ལུགས་དེ།། ཅིར་ཡང་ཡིན་ལ་ཅིར་ཡང་བསྒོམ།། བསྒོམ་པ་དམིགས་མེད་ཀློང་ཆེན་ཡིན།། བྱང་ཆུབ་སེམས་ཀྱི་གྲོལ་ལུགས་དེ།། ཅིར་ཡང
76a3 གྲོལ་ལ་ཅིར་ཡང་གྲུབ།། འབྲས་བུ་བསྒྲུབ་མེད་ཡེ་གྲུབ་ཀློང་།། གཅིག་ལས་བཞི་རུ་བྱུང་བས་ན།། རང་བྱུང་རང་ཤར་ཡོན་ཏན་ཡིན།། གཅིག་གི་ཀློང་ནས་ཀུན་ཤར་བས།། དབྱེར་མེད་གཅིག་ཏུ་འདུས་པའི
76a4 ཕྱིར།། གཉིས་འཛིན་ཐ་དད་ཀློང་དུ་ཟད།། ལུས་སེམས་གྲུབ་དང་མ་གྲུབ་མེད།། སྔ་ཕྱི་མེད་པར་མཉམ་པ་ལས།། མ་སྐྱེས་སྐྱེས་མཉམ་གཞི་རྩ་མེད།། བག་ཆགས་བསགས་དང་མ་བསགས་པའི།། ཆགས་པའི་གནས
76a5 ལ་རྟེན་མེད་པས།། ནམ་མཁའི་ཚུལ་དུ་རང་བྱུང་བའོ།། དོན་ལ་འདི་ཞེས་བྱ་བའི་ཆོས།། དམིགས་གཏད་བཅའ་བ་མེད་མོད་ཀྱང་།། སྣང་གྲགས་ཆོས་ཀུན་རང་བྱུང་བས།། སྟོང་ཉིད་དབྱིངས་ཀྱི་རྒྱན་དུ་ཆེ།། བྱུང་ཚོར
76a6 བསམ་གྱིས་མི་ཁྱབ་ཀྱང་།། དེ་ཉིད་དབྱིངས་སུ་དབྱེར་མེད་པས།། རང་བྱུང་རང་ཞི་རང་གི་མཐུ།། དེས་ན་དེ་ལས་ཉམས་པ་མེད།། དོན་ལ་གཡོས་པ་མེད་པའི་ཕྱིར།། རྩེ་གཅིག་བཞག་པས་སངས་རྒྱས་སར།། འགྲོ
iiif viewer powered by OpenSeadragon
