| e-texts navigator |
| Wylie |
75b1 པ་འཁོར་དུས་གནས།། ཕུན་སུམ་ཚོགས་པར་བཏགས་པ་ཀུན།། སྣ་ཚོགས་ཆོས་ལ་དབང་བསྒྱུར་བ།། རང་གི་མཐུ་ལས་ཡེ་ནས་ཤར།། ཐེག་དགུ་སྐུ་གསུམ་བསྟན་པ་ཡང་།། གདུལ་བྱའི་བློ་ལ་ཐ་དད་ཀྱང་།། བྱང
75b2 ཆུབ་སེམས་གཅིག་ཡོན་ཏན་ལས།། ཕྱེ་བས་དགུ་དང་གསུམ་དུ་བྱུང་།། གདུལ་བྱའི་ཞིང་དང་འདུལ་བྱེད་དང་།། གཉེན་པོ་ཡེ་ཤེས་ཕྲ་རགས་དང་།། བརྒྱད་ཁྲི་བཞི་སྟོང་ཐེག་པའི་གྲངས།། མཉམ་པའི་ཀློང་ལས་མ
75b3 གཡོས་ཏེ།། ཐ་དད་མེད་པར་དབྱིངས་སུ་གཅིག། མདོ་སྡེ་འདུལ་བ་མངོན་པ་དང་།། སྡེ་སྣོད་གསུམ་ལ་སོགས་པ་ཡི།། བསྟན་པ་རབ་འབྲིང་ཐ་མ་ཡང་།། ལོགས་སུ་བཏགས་པ་འཁྲུལ་པའི་རྒྱུ།། ཅིར་སྣང་ཆོས་ཀྱི
75b4 དབྱིངས་ཉིད་ལས།། གཞན་དུ་འགྱུར་བ་མེད་པའི་ཕྱིར།། དབྱིངས་ཉིད་གཅིག་གིས་ཀུན་བྱས་ཏེ།། བྱེད་མཁན་རང་ལ་དངོས་གཞི་མེད།། ཅིར་ཡང་བྱར་མེད་རིག་པའི་ཀླུང་།། བྱས་དང་མ་བྱས་མཉམ་པའི
75b5 ཀློང་།། མཉམ་དང་མ་མཉམ་གཉིས་མི་དམིགས།། དེ་བཞིན་ཉིད་ལ་ཡུལ་མེད་པས།། ཡུལ་ཅན་རྫས་སུ་གྲུབ་པ་མེད།། སྣ་ཚོགས་ཆོས་ལ་སོ་སོར་བཏགས།། ཆོས་ཉིད་གཅིག་པུ་ཡེ་ནས་དབེན།། སྣང་ཞིང་སྲིད་པ་མ
75b6 ལུས་དང་།། ཁམས་གསུམ་འདི་དག་ཐམས་ཅད་ཀུན།། བདེ་ཆེན་བྱང་ཆུབ་སེམས་ལས་སྤྲོས།། བྱང་ཆུབ་སེམས་ལས་སྤྲོས་མེད་པས།། ཐམས་ཅད་ཐེག་ལེ་གཅིག་གི་ཀློང་།། ཐིག་ལེ་ཀློང་ཆེན་གདལ་བ་ལ།། ཕྲ་བའི
iiif viewer powered by OpenSeadragon
