| e-texts navigator |
| Wylie |
75a1 ཆོས་མིན་ཏེ།། བྱང་ཆུབ་སེམས་ཀྱི་རོལ་པ་ཡིན།། སེམས་ནི་རང་རིག་སྐྱེ་མེད་དེ།། ཡུལ་དང་ཡུལ་ཅན་མཐའ་ལས་འདས།། སྐྱེ་མེད་དབྱིངས་ལ་ཟད་མཐའ་མེད།། ནམ་མཁའི་དབྱིངས་ལ་ཐུག་པ
75a2 མེད།། གཟུང་འཛིན་ཡུལ་ལ་འཕྲོ་ས་མེད།། སྐྱེ་མེད་དབྱིངས་ལས་ཐལ་དྲགས་པས།། བསམ་ལས་འདས་པས་ཡུལ་མེད་གསལ།། ཕྱོགས་དུས་ཡུལ་དང་དབང་པོའི་ཆོས།། ལྷུན་གྲུབ་ཀློང་དུ་ཡེ་ནས་མཉམ།། ཐིག་ལེ
75a3 གཅིག་ལ་དབྱེར་མི་ཕྱེད།། ཀློང་ཆེན་གཅིག་གི་རང་བཞིན་ལ།། ཀློང་ཕྲན་མཐའ་ཡས་ཀུན་ཤར་ཡང་།། ཀུན་ནས་ཟླུམ་པས་དབྱེ་བསལ་མེད།། དེས་ན་འགྲོ་བ་ཐམས་ཅད་ཀྱི།། ལམ་ཆེན་བྱང་ཆུབ་སེམས་ཀྱི
75a4 ཀློང་།། བྱང་ཆུབ་སེམས་ཀྱི་ཀློང་ཆེན་ལ།། གདགས་གཞི་ཕྱོགས་སུ་མ་གྲུབ་ཀྱང་།། གདགས་བྱ་ཅིར་ཡང་མ་འབབ་པས།། བཏགས་ལྟར་སྣང་བས་དབྱིངས་ཞེས་བྱ།། གཞི་མེད་ཆོས་ལ་བཏགས་པའི་ཕྱིར།། དེ་ལ
75a5 མཐའ་ག་ལ་ཡོད།། མཁའ་འདྲ་རིན་ཆེན་གཏེར་བཞིན་དུ།། ངོ་བོ་ཉིད་ཀྱི་ནུས་མཐུ་ཡིས།། ཅིར་ཡང་སྣང་ལ་རང་བཞིན་མེད།། དམིགས་སུ་མེད་ཅིང་ཡུལ་ལས་འདས།། སྤྱོད་ཡུལ་མེད་ཅིང་འདི་འདྲར
75a6 མེད།། བསྟན་དུ་མེད་ཅིང་དཔྱད་དུ་མེད།། སྐྱེ་འགག་མེད་ཅིང་བརྗོད་བྱ་མེད།། མཐའ་ལས་འདས་པས་རང་བཞིན་མེད།། མཐའ་མེད་བྱང་ཆུབ་སེམས་ཀྱི་ཀློང་།། རང་བྱུང་ཡེ་ཤེས་ཀློང་དཀྱིལ་ནས།། སྟོན་པ་བསྟན
iiif viewer powered by OpenSeadragon
