| e-texts navigator |
| Wylie |
74b1 བདེ་བྲལ།། རང་བཞིན་གཡོས་པ་མེད་པ་ལ།། ལྟ་བ་ཀློང་ཆེན་ནམ་མཁར་བཏགས།། སྐྱེ་མེད་དབྱིངས་ལས་ཐམས་ཅད་སྐྱེས།། སྐྱེ་བའི་ཆོ་འཕྲུལ་སྐྱེ་མེད་རྒྱན།། དེ་བཞིན་ཉིད་ལས་མ་གཡོས་པར།། རོལ་པ་སྐྱེ་བ
74b2 ལྟར་སྣང་ཡང་།། འཕོ་འགྱུར་མེད་པས་སྐྱེ་མེད་དང་།། འཇིག་འབྲལ་མེད་པས་རྡོ་རྗེའི་ཀློང་།། ཅིས་ཀྱང་མི་ཤིགས་འདུ་འབྲལ་མེད།། དབྱིངས་ལ་འདུ་འབྲལ་མེད་པའི་ཕྱིར།། ཕྱི་ནང་མེད་པས་ཤར་ནུབ
74b3 མེད།། དངོས་གཞི་མེད་པས་འཁོར་འདས་མེད།། རྒྱུ་འབྲས་མེད་པས་དགེ་སྡིག་མེད།། དེ་སྟེ་དགེ་སྡིག་མཚན་མའི་ཆོས།། གློ་བུར་ཡིན་ཕྱིར་དོན་དུ་མེད།། རྒྱུ་འབྲས་དབྱེར་མེད་ཐིག་ལེ་ཆེ།། རྩ་བ་མེད་པའི་བྱང་ཆུབ
74b4 སེམས།། ཐམས་ཅད་རང་སེམས་རིག་པའི་རྒྱན།། ཡང་དག་ལམ་གཅིག་བདེ་བའི་མཆོག། བདེ་ཆེན་ལམ་ལ་འཇུག་ལྡོག་མེད།། དབྱིངས་ལ་དབྱིངས་ཤར་རིག་པའི་སྟོབས།། མི་རྟོག་བསྒོམ་པ་བཟང་རྟོག
74b5 ཡིན།། རྣམ་པར་རྟོག་དང་ཁྱད་མེད་དེ།། གཉིས་ཀ་བཟང་ངན་མེད་པར་མཉམ།། དེ་ཡང་རིག་པ་རང་གི་སྟོབས།། དེ་ལ་བསྒོམ་དང་མ་བསྒོམས་དང་།། གཉིས་སུ་ལྟ་བའི་ཆོས་མེད་དེ།། གཉིས་མེད་རང་གྲོལ་ཡེ་ཀློང
74b6 དང་།། ཁམས་གསུམ་སྣང་སྲིད་མ་ལུས་པ།། སེམས་ཀྱི་རང་བཞིན་དངོས་ཡིན་པས།། བྱང་ཆུབ་སེམས་ཀྱི་ཀློང་དུ་གྲོལ།། མཉམ་པའི་ཀླུང་ལ་ངང་གིས་གནས།། འདི་ལྟར་སྣང་བའི་དངོས་པོ་ཀུན།། གདོས་པ་ཅན་གྱི
iiif viewer powered by OpenSeadragon
