| e-texts navigator |
| Wylie |
74a1 དེ།། དབྱིངས་ཀྱི་ངང་དུ་ཐམས་ཅད་འགྲོ།། དེ་ལ་རང་རྒྱུད་སྦྱང་དུ་མེད།། གཞན་དུ་བཙལ་ཀྱང་ཆོས་མི་རྙེད།། འགྲོ་འོང་མེད་པ་དགོངས་པའི་ཀློང་།། དེ་ལ་གནས་པ་རྟོག་པའི་ངང་།། ཁམས་གསུམ
74a2 འཁོར་བའི་ཆོས་རྣམས་ཀུན།། ཡེ་ནས་སངས་རྒྱས་ཡིན་པ་ལ།། འཕྲལ་དུ་རྐྱེན་གྱིས་བསྐུར་དུ་མེད།། སངས་རྒྱས་པ་དང་དམྱལ་བའི་གནས།། རིས་སུ་གཅད་དུ་མེད་པ་ལ།། བྱང་ཆུབ་སེམས་སུ་གཅིག་པའི
74a3 ཕྱིར།། གཉིས་སུ་དབྱེ་བ་ཡོད་མ་ཡིན།། ཐམས་ཅད་མཉམ་པར་གནས་པ་ལ།། ཕྱོགས་འཛིན་མེད་པས་བདེ་ཀློང་ཡིན།། རྒྱུད་དྲུག་འཁོར་བའི་གཡང་ས་ཡང་།། རང་ལ་གནས་པས་རང་དུ་དཔྱོད།། སེམས་ཅན་གུད
74a4 ན་ཡོད་མ་ཡིན།། ཤེས་བྱ་རང་གི་ཆོས་ཉིད་བབ།། དེ་ལ་ཆགས་སྡང་སྐྱེ་རྒྱུ་མེད།། དངོས་པོ་ཡུལ་དུ་ཅིར་མི་གནས།། དངོས་པོ་མེད་པས་ཆེ་ཆུང་དང་།། བརྟགས་པས་ཡུལ་དུ་མཐོང་བ་མེད།། རྒྱལ་བ་རྣམས་ཀྱི
74a5 དགོངས་པ་ཡང་།། མཉམ་པ་ཉིད་ཀྱི་དབྱིངས་ལ་སྦྱོར།། མཉམ་པའི་དབྱིངས་ལས་ཅིར་ཡང་འབྱུང་།། ནོར་བུ་རིན་ཆེན་ཡོན་ཏན་གཏེར།། སུས་ཀྱང་མ་བསྐྱེད་དབྲི་བསྣན་མེད།། འཕེལ་འགྲིབ་མེད་ཅིང་འཕོ་འགྱུར
74a6 མེད།། ཡོད་མེད་འཛིན་དང་བྲལ་བའི་ཕྱིར།། ཡེ་ནས་དབྱེར་མེད་ཟང་ཐལ་ཀློང་།། ཐམས་ཅད་རང་བྱུང་རང་ཤར་ལ།། ངེས་མེད་ཆེན་པོ་མཐའ་དང་བྲལ།། འདི་ལ་ཏིང་འཛིན་བཙལ་དུ་མེད།། སྤྱོད་པ་བདེ་དང་མི
iiif viewer powered by OpenSeadragon
