| e-texts navigator |
| Wylie |
73b1 བསམ་རྟོག་པའི་མཐའ་ལས་འདས།། སོ་སོའི་མཚན་ཉིད་མི་གནས་པས།། སྒྱུ་མའི་ཀློང་ལྟར་ངོས་གཟུང་མེད།། ཅེས་གསུངས་སོ།། ཀློང་ཆེན་རབ་འབྱམས་རྒྱལ་པོའི་རྒྱུད་ལས། ཚོགས་གཉིས་རང་རྫོགས་ཀྱི་ལེའུ་སྟེ།
73b2 བཅུ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས་མ་བཅོས་པའི་དགོངས་པ་འདི་བཀའ་སྩལ་ཏོ།། ཆོས་ཀྱི་དབྱིངས་ལ་མཐའ་དབུས་མེད།། མིང་གིས་མཚོན་པས་མཐའ་དང་དབུས།། ཆོས་ཀྱི
73b3 དབྱིངས་ལ་བདག་གཞན་མེད།། ཡུལ་གྱིས་ཕྱེ་བས་བདག་དང་གཞན།། ཆོས་ཀྱི་དབྱིངས་ལ་དམིགས་སུ་མེད།། གཞན་དུ་བཏགས་པས་དམིགས་དང་གནས།། ཆོས་ཀྱི་དབྱིངས་ལ་བཙལ་དུ་མེད།། བཙལ་དུ་མེད
73b4 པའི་དོན་དེ་ལས།། རང་བཞིན་གནས་པས་དེ་བཞིན་ཉིད།། དེ་ལ་སུས་ཀྱང་བཅོས་སུ་མེད།། མ་བཅོས་ཀློང་ན་མཉམ་པར་གནས།། བདེར་གཤེགས་ཀུན་གྱི་ཕོ་བྲང་སྟེ།། མྱ་ངན་འདས་པའི་ལམ་པོ་ཆེ།། ཆོས་ཀྱི
73b5 དབྱིངས་ལས་སྣ་ཚོགས་སྣང་།། གཞན་དུ་བསྐྱོད་པ་རྡུལ་ཙམ་མེད།། མ་བསྐྱོད་ཐབས་ཀྱི་རོལ་པ་ཡང་།། ཀུན་ཏུ་ཁྱབ་ལས་མཉམ་པའི་དབྱིངས།། སེམས་ཀྱི་ཀློང་ལས་གར་མ་གཡོས།། ཐོག་མར་སྐྱེ་བའི་གཞི་མེད
73b6 པས།། བྱང་ཆུབ་སེམས་ལ་རྩ་བ་མེད།། འཁོར་འདས་བྱུང་ས་མེད་པ་ལ།། རང་བྱུང་ཡིན་པས་གཞི་ནས་ཤར།། བར་དུ་གནས་པའི་ཡུལ་མེད་དེ།། རིག་པའི་ཀློང་དུ་ཐམས་ཅད་གནས།། ཐ་མར་འགྲོ་བའི་ཡུལ་མེད
iiif viewer powered by OpenSeadragon
