| e-texts navigator |
| Wylie |
73a1 ལ།། དུས་གསུམ་མཉམ་ཉིད་སྐྱེ་འགག་མེད།། ཐམས་ཅད་ཡེ་ནས་སངས་རྒྱས་ཀློང་།། སྐྱེ་ཤི་འཕོ་འགྱུར་མིང་ཡང་མེད།། ཕྱི་ནང་ཆོས་རྣམས་ཐམས་ཅད་ཀུན།། བདག་གཞན་གཉིས་སུ་མེད་པའི
73a2 ཕྱིར།། མཉམ་པའི་རིས་མེད་ཐིག་ལེའི་ཀློང་།། ཐམས་ཅད་བྱང་ཆུབ་སེམས་ཀྱི་དབྱིངས།། རང་བཞིན་གཅིག་ལས་གཡོས་པ་མེད།། མི་འགྱུར་བདེ་ཆེན་ཇི་བཞིན་ཀློང་།། གཞི་གནས་ཡེ་གྲོལ་བཙལ་མི་དགོས།། ཇི
73a3 ལྟར་བསྒོམ་ཞིང་རྩོལ་བ་ཡང་།། འབད་པ་བྱས་པས་མཐར་ལྷུང་སྟེ།། གཡང་ས་མེད་ལས་གོལ་ས་བྱུང་།། དེ་ཡང་འོག་མ་ནོར་བའི་ལམ།། བདག་ལས་གཞན་དུ་བོགས་འདོན་ལ།། རང་གི་ཆོས་ཉིད་རང་གིས
73a4 བསླད།། རི་དྭགས་སྨིག་རྒྱུ་བསྙེག་པ་དང་།། ལོང་བས་མཁའ་ལ་ཉུལ་བ་བཞིན།། རྙེད་དུ་རེ་སྟེ་མི་རྙེད་དོ།། འབྲས་བུ་ཡེ་ཤེས་ཚོགས་ནི་སེམས་ཉིད་དེ།། བསོད་ནམས་ཡེ་ཤེས་བྱང་ཆུབ་སེམས་ལ
73a5 རྫོགས།། སྤྱོད་པས་མི་འཛད་མ་བསགས་བྲི་བ་མེད།། ཀློང་ཡངས་ནམ་མཁའ་རྒྱ་མཚོ་ལྟ་བུ་ཡི།། ཚོགས་ཆེན་རྣམ་གཉིས་རང་ལ་རྫོགས།། རིག་པའི་ཤར་ལུགས་འཇིག་རྟེན་དང་།། འདས་པ་ལྟ་བུར་སྣང་མོད
73a6 ཀྱི།། གཉིས་ཀ་མ་སྐྱེས་འཁོར་བ་མེད།། འཁྲུལ་འཁོར་མེད་པས་འཁྱམས་ས་མེད།། བྱང་ཆུབ་སེམས་ཀྱི་གཞི་ནི་ནམ་མཁའ་འདྲ།། མི་འགྱུར་བརྟན་པའི་ཀློང་དུ་ཡེ་ནས་གནས།། སྐྱེ་མེད་ཡུལ་དང་བྲལ་བ་ལ།། སྒྲ
iiif viewer powered by OpenSeadragon
