| e-texts navigator |
| Wylie |
72b1 ངན་མེད་པའི་གནས་ཀྱང་དེ།། ཐམས་ཅད་དེ་རུ་ཐིམ་པའི་ཕྱིར།། འཁོར་བའི་གཡང་ས་བྱང་ཆུབ་སེམས།། དབྱིངས་ལ་གོལ་ས་མེད་པའི་ཕྱིར།། བདག་རྟོག་མཚན་ཉིད་ཡེ་ནས་མེད།། ནམ་མཁའི་ངང་དུ་ཀུན་གྲོལ
72b2 བས།། ནམ་མཁའ་དག་དང་ཆོ་འཕྲུལ་བཞིན།། མཚན་ཉིད་མེད་ལས་རྟོག་པ་འབྱུང་།། རང་བྱུང་རང་ཞི་ཤེས་བྱའི་བབས།། ངང་དུ་གྲོལ་ལོ་བྱ་བྲལ་ཀློང་།། སྣ་ཚོགས་སྣང་ཡང་བྱས་པ་མེད།། སྣ་ཚོགས་གཅིག་ལས
72b3 ཤར་བའི་ཕྱིར།། གཅིག་ཏུ་རང་ཞལ་རང་གིས་ལྟོས།། གཉིས་མེད་ཟུག་ཕྲད་གདམས་ངག་འདི།། སངས་རྒྱས་དགོངས་པ་མཛུབ་ཚུགས་ཡིན།། སེམས་ཀློང་གཅིག་ལས་མེད་པའི་ཕྱིར།། བྱང་ཆུབ་སེམས་ལས་ལོགས
72b4 ན་མེད།། སེམས་ཀྱི་གནས་ལུགས་ཡེ་གྲུབ་ལ།། ཆོས་ཉིད་ད་གདོད་བསྒྲུབ་ཏུ་མེད།། ནམ་མཁའ་འདྲ་སྟེ་ཡེ་ནས་གྲུབ།། ཨ་ཏི་བྱ་བཙལ་བྲལ་བའི་ཕྱིར།། འབྲས་བུ་གཞན་ལ་རག་མ་ལུས།། ཤར་ལུགས་ཉི་ཟླའི་འོད
72b5 ལྟར་གསལ།། དགག་ཏུ་མེད་དེ་རང་གི་མཐུ།། ཡེ་ཤེས་མཐོང་གསལ་ཉོན་མོངས་དག། ཐེག་པའི་ཤན་ཕྱེད་གོལ་ས་གཅོད།། གཡང་ས་དབྱིངས་སུ་ཤུགས་ལས་དག། ཡིན་ལུགས་དམིགས་སུ་མེད་པའི་ཕྱིར།། དངོས
72b6 པོ་རྣམས་ཀྱི་ཀློང་བརྟོལ་ནས།། སྟོང་དང་དངོས་པོར་གོ་བཟློག་སྟེ།། དངོས་ཡིན་ཆེན་པོར་ལ་ཡང་བཟླ།། ཡེ་ཡིན་བཙལ་བའི་ཡུལ་ལས་འདས། ཚིག་ཆོད་མཚན་མའི་ཡུལ་མི་གནས།། གྲོལ་ལུགས་རྒྱུན་ཆད་མེད་པ
iiif viewer powered by OpenSeadragon
