| e-texts navigator |
| Wylie |
72a1 ཀུན་ཀྱང་དམིགས་སུ་མེད།། སྐྱེ་མེད་ཀུན་ཏུ་བཟང་མོའི་དབྱིངས།། ཕྱོགས་མེད་རྐྱེན་གྱིས་ཅིར་ཤར་ཡང་།། འདོད་དགུར་འབྱུང་ཞིང་སྣང་བར་ཟད།། ཤེས་རབ་རྣམ་གྲོལ་དག་པ་ལ།། ཡུལ་མེད་རིག
72a2 པ་ཀློང་དུ་གསལ།། བདག་རྟོག་དངོས་པོ་ནམ་མཁར་ཞི།། དངོས་པོར་བརྟགས་ཀྱང་སྟོང་པའི་ཀློང་།། ཡེ་ནས་འཛིན་པ་མེད་པ་ལ།། སྟོང་པ་ཉིད་དུ་གང་རྟོག་པ།། འཁོར་བའི་ས་བོན་བཏབ་པ་ཡིས།། རྒྱུ་འབྲས་ཟག།
72a3 བཅས་གནས་སུ་གོལ།། འཁོར་འདས་གཉིས་སུ་སྣང་བ་ཡང་།། མཉམ་པའི་རྒྱལ་པོ་དེ་ལས་མེད།། དེ་བཞིན་ཉིད་ལ་འཁོར་འདས་དག། དག་དང་མ་དག་གཅིག་ལས་སྣང་།། སྣང་ཡུལ་ཞེན་པའི་ངོ་བོ་མེད།། སྟོང
72a4 པའི་ཕྱོགས་སུ་གང་འཛིན་པ།། དེ་བས་ཞེན་པའི་བདུད་དུ་སོང་།། རང་གི་མཚན་ཉིད་འཛིན་པ་དང་།། དངོས་པོར་འཛིན་པ་ལྡོག་པ་ལ།། སྟོང་པ་ཞེས་སུ་བཏགས་པར་ཟད།། རང་རིག་གཅིག་གི་ངོ་བོ་ལ།། སྟོང་དང
72a5 དངོས་པོའི་སྒྲོ་འདོགས་མེད།། སྡུག་བསྔལ་དྲག་པོས་གཟིར་བའི་དུས།། འཁོར་བའི་བཙོན་རར་གནས་ཙམ་ན།། བྱང་ཆུབ་སེམས་ཀྱི་རང་བཞིན་ལ།། སྡུག་བསྔལ་དེ་ཡི་མཚན་ཉིད་དང་།། བདེ་བར་སྣང་བའི་རྒྱུ
72a6 མཚན་མེད།། རང་རིག་དབང་དུ་འདུས་པ་དང་།། རང་བྱུང་ཡེ་ཤེས་མངའ་བརྙེས་པས།། ཐམས་ཅད་རྣམས་གྲོལ་ལམ་ཆེན་དེར།། གཅིག་ཏུ་འགྲོ་བར་ཐག་ཆོད་པས།། མཐོ་དམན་མེད་པའི་ལམ་ཡང་དེ།། བཟང
iiif viewer powered by OpenSeadragon
