| e-texts navigator |
| Wylie |
71b1 པའི་དོན་འཚོལ་བ།། རིན་ཆེན་གླིང་ན་རྡོ་འཚོལ་བཞིན།། གསེར་དང་ར་གན་ནོར་བས་བསླད།། གཟུང་དང་འཛིན་པ་འཁོར་བའི་རྒྱུ།། ཆོས་སུ་བརྟགས་པ་སྡུག་བསྔལ་ཡིན།། མཉན་བསམ་མང་པོ་གཡེང་བའི
71b2 རྒྱུ།། བསྒོམ་ཞིང་བསྒྲུབ་པ་བྱ་བྱེད་བློ།། དཀོན་མཆོག་གསུམ་པོ་བཏགས་པའི་མིང་།། ལམ་མཆོག་འདི་ལས་གཞན་ན་མེད།། མེད་པ་དེ་ཉིད་ཀུན་གྱི་ལམ།། སེམས་ཉིད་ཀློང་ཆེན་བླང་དོར་མེད།། མཐའ་རྣམས་མེད
71b3 ཅིང་དབུས་ཀྱང་མེད།། མཐའ་དབུས་བྲལ་བའི་ཆོས་ཉིད་ལ།། དགག་དང་བསྒྲུབ་པ་མེད་པའི་ཕྱིར།། སྐྱེ་མེད་ཀུན་ཤོང་ཡངས་པའི་ཀློང་།། འཁོར་བ་དག་དང་མྱ་ངན་འདས།། ཆོས་རྣམས་མ་ལུས་ཐམས་ཅད
71b4 ཀུན།། ཡེ་ནས་བྱ་བྲལ་ཀློང་དུ་དག། རིག་པའི་ཤར་ལུགས་ནམ་མཁའ་དང་།། ཆོ་འཕྲུལ་བཞིན་དུ་དབྱེར་མི་ཕྱེད།། འཁོར་འདས་བདེ་སྡུག་མ་ལུས་པ།། ཀློང་ཡངས་དཀྱིལ་འཁོར་གཅིག་ཏུ་གནས།། རང་རིག་རང
71b5 སྣང་བཙལ་བ་མེད།། དབྱིངས་ལ་རིག་པ་ཅིར་ཤར་ཡང་།། དབྱིངས་ཉིད་བལྟས་པས་ད་ལྟར་མཐོང་།། བདེ་གཤེགས་རྒྱལ་བའི་ཞིང་ཁམས་དང་།། ལོག་རྟོག་འཁྲུལ་པ་ལས་བྱུང་བའི།། དམྱལ་བའི་གནས་ཆེན་ཡན
71b6 ཆད་དུ།། ཤར་ཡང་རྒྱུ་གཅིག་ཆོས་ཉིད་ཀློང་།། མཉམ་ཉིད་གཅིག་ལ་ཅིར་ཤར་ཡང་།། བཀག་པ་མེད་པས་ཡངས་སོ་ཆེ།། བཙལ་དུ་མེད་པས་ཡེ་ནས་ཆེ།། སེམས་ཀྱིས་དབང་བསྒྱུར་འཁོར་འདས་ཆོས།། ཐམས་ཅད
iiif viewer powered by OpenSeadragon
